Севимли кремингизнинг яроқлилик муддати тугади, бироқ қолган крем миқдори яна бир ойга етади. Уни юзингизга сурцангиз, ножўя таъсир қилиши мумкин. Айрим маҳсулотларни яроқлилик муддати тугагандан кейин ишлатиб бўлмайди.
Тиш чўткаси
Мунтазам ишлатилган тиш чўткаси тезда эскиради. Тиш чўткасининг толалари икки ойдан сўнг тўкила бошлайди ва чигаллашиб кетади. Учинчи ойга келиб бундай чўткани ишлатиб бўлмайди. Эскирган тиш чўткаси тишларни ва кариесларни тозалай олмайди, шунинг учун стамотологлар уни ҳар уч ойда алмаштиришни тавсия қилади.
Қуёшдан ҳимояловчи крем
Қуёшдан ҳимояловчи кремнинг яроқлилик муддатига эътибор беришни унутманг. Қуёш нурларидан сақланишда ёрдам берадиган компонентлар вақт ўтиши билан заифлашади. Яроқлилик муддати тугагандан сўнг бу моддалар оксидланишни бошлайди ва ўз хусусиятларини йўқотади. Қолган кремни қанча кўп сурцангиз ҳам, у сизни куйишдан ва тери саратони ривожланишидан ҳимоя қила олмайди.
Линза идиши
Тозалаш эритмасидан фойдаланишингизга қарамай, идиш деворларида микроб қолади. Тўпланган бактериялар кейинчалик линзаларга тушади ва жиддий юқумли касалликларнинг ривожланишига олиб келиши мумкин. Масалан, бундай ҳолатда шох парда яраси ривожланиши мумкин, у кўзда чандиққа айланади ва кўришга таъсир қилади. Агар касалликнинг олдини олишни истасангиз, линза қопқоғини камида уч ойда бир марта алмаштиринг.
Туш
Туш идишини очгандан икки-уч ой ўтиб ташлаш тавсия этилади, чунки сувга асосланган ҳар қандай косметика тез орада микробларнинг тушиш жойига айланади. Бундан ташқари, агар туш намлиги юқори бўлган жойда сақланса, уларнинг кўпайиши тезлашади. Ўзингизни кўз инфекциясидан сақланг ва муддати ўтган тушни ташлаб юборинг.
Лаб бўёғи
Лаб бўёғининг сифати бузилмаслиги ва юмшоқ бўлиб қолмаслиги учун уни салқин жойда сақлаш тавсия этилади. Бундан ташқари, олти ойлик фойдаланишдан кейин лаб бўёғини ташлаб юбориш керак, чунки макияж қилиш пайтида лаблардаги барча бактериялар лаб бўёғига ўтади, кейин эса бу ҳолат аксинча такрорланади.
Кремли косметика маҳсулотлари
Агар консилер, тен ёки румяна қалинлашиб кетса, уни ташлаб юборинг. Айниқса, тенларга эҳтиёт бўлинг, улар кўзга суртилади ва инфекция тушишига олиб келади.
Ошхона тахтачалари
Тахтачадаги пичоқларнинг чуқур кесилган жойларини тозалашнинг иложи йўқ, шунинг учун улар кўплаб бактерияларнинг тушиш жойига айланади. Пластик тахтачалар йилига камида бир марта ўзгартирилиши керак. Бироқ, уларни ёғоч материалдан тайёрлангани билан алмаштирган маъқул. Бундай тахтачаларни етти йилгача сақлаш мумкин.
Эски пластик озиқ-овқат идишлари
Аксарият эски пластик идишларда бисфенол мавжуд бўлиб, у микротўлқинли печда қиздирилганда ва сув билан ювилганда ажралиб чиқади ва натижада озиқ-овқатга киради. Ёрилган, эскирган идишларни ташлаб юборинг ва уларни шиша идиш билан алмаштиринг.
Идиш ювиш губкаси
Идиш ювиш губкасида миллионлаб зарарли моддалар тўпланади, шунинг учун бир неча кундан кейин алмаштириш тўғри бўлади. Кимдир губкани микротўлқинли печда иситишни тавсия қилади. Шимгични мунтазам равишда алмаштириш ёки уни пахтали латта билан алмаштирган маъқул.
Югуриш пойабзал и
Бир жуфт кроссовка 400-500 км юргандан кейин яроқсиз бўлиб қолади, яъни ҳафтасига 50 км югурсангиз, уч ойдан кейин пойабзал ни алмаштиришга тўғри келади. Рақамларга эътибор бериш ўрнига, бошқа жиҳатларга эътибор беринг: ҳаракат қилиш қийинлашади, оёқ мушаклари оғрий бошлайди, булар амортизация қобилияти ёмонлашганидан далолат беради ва янги пойабзал сотиб олишингиз кераклигини англатади. Акс ҳолда бу суяклар ва бўғимларга зарарли бўлади.
Изоҳ (0)