Oilada chaqaloq tug‘ilishi bilan onalarning uyqusiz tunlari boshlanadi. Bu mutlaqo tabiiy jarayon — bolani soatma-soat oziqlantirish, kamiga u kolikdan qiynaladi, umuman olganda, bola ota-onaning mehr-muruvvatisiz uxlab qolishi mushkul. Ammo go‘dak o‘sadi va ba’zida bu muammo umuman yo‘qolmaydi. Go‘dak kechasi ham uyg‘onadi, ham uxlab qolishi qiyin kechadi va tartib hali beri erishib bo‘lmaydigan darajada uzoq degan fikr tug‘iladi.
Bolalar ergoterapevti va pediatri Emma Xabbard vaziyatdan chiqish yo‘llari bor, deb hisoblaydi. U chaqalog‘ingizni ertalabgacha uyg‘onmasdan uxlashi uchun kechasi yotqizishda qo‘l keladigan to‘rtta oddiy usul bilan o‘rtoqlashdi.
Bolani har kuni bir vaqtda uyg‘oting
Kichkintoy uxlab yotganida ertalablari uni bezovta qilishni hech kim xohlamaydi. Bu vaqtda onaning o‘zi biroz mizg‘ib olish yoki o‘z yumushlarini bajarishga ulgurib qolish istagi bor. Biroq bolaga tartib kerak. Mutaxassisning ta’kidlashicha, uni o‘rnatish uchun chaqaloqni ertalab bir vaqtning o‘zida (nari-beri yarim soat) uyg‘otishingiz kerak, keyin go‘dak organizmi bu odatga o‘rganib qoladi va tungi uyqu yaxshilanadi.
Charchoq belgilarini inobatga oling
Uyquga yotish vaqti har xil bo‘lishi mumkin. Pediatrning so‘zlariga ko‘ra, ota-onalar bolaning charchaganini o‘z vaqtida sezishlari kerak. Bolaning uyquga tayyorligini ko‘rsatadigan belgilar quyidagilar bo‘lishi mumkin:
- odamlar yoki o‘yinchoqlarga qiziqish yo‘qoladi;
- bola notinch va bezovta bo‘ladi;
- uzoq vaqt davomida bir nuqtaga qarab qoladi;
- injiqlik, yig‘lash;
- muntazam ko‘z va quloqlarini ishqalaydi;
- hiqichoq tutadi yoki tez-tez esnaydi.
Siz bu belgilarga e’tiborli bo‘lishingiz va bolani uyquga tayyorlashni boshlashingiz kerak, chunki bolaning ortiqcha charchab qolishi zararga ishlaydi. Agar chaqaloq nihoyatda charchagan bo‘lsa, u kechasi ko‘p uyg‘onadi.
Bolani uxlatishdan oldin odatiy yumushlarni bajaring
Kechqurun bolani uxlatishdan avval ota-onalar bir xil harakatlar rejasiga ega bo‘lishi kerak. Misol uchun chaqaloqni cho‘miltirish, uning tishlarini tozalash, so‘ngra to‘shakda unga ertak o‘qib berish va hokazo. Ushbu qadamlar har safar bir xil tartibda bajarilishi kerak. Shu tariqa bola tafakkurida siz uni uyquga tayyorlayotganingizning umumiy kartinasi hosil bo‘ladi va organizm bu odatga moslashadi.
Qulay uyqu muhitini yarating
Bu juda oddiy narsalar bo‘lsa-da, lekin ko‘p odamlar ular haqida unutishadi. Qulaylikning uchta muhim elementi — sukunat, qorong‘ilik va havo harorati. Mana shu uch narsadan doim xabardor bo‘lish zarur. Agar xona juda shovqin bo‘lsa va biror joydan beshikka yorug‘lik tushib tursa yoki havo toza bo‘lmasa, bolaning uyqusi yomonlashadi. Shunday qilib chaqaloqni o‘rniga yotqizishdan oldin qulaylik yaratishga oldindan hozirlik ko‘rish tavsiya etiladi.
Izoh (0)