Toshkentda 9-may kuni mushakbozlik tashkil etiladigan bog‘ga vaqtincha avtobus qatnovlari yo‘lga qo‘yiladi

Xotira va qadrlash kuni munosabati bilan 9-may kuni Toshkentdagi Yangi O‘zbekiston bog‘ida mushakbozlik uyushtirilishi haqida xabar qilingan edi. “Toshshahartransxizmat” ushbu bog‘ga vaqtincha avtobus yo‘nalishlari tashkil etilishini ma’lum qildi.

Bayram tadbiriga tashrif buyuruvchi fuqarolar va yo'lovchilarga sifatli jamoat transporti xizmatini ko‘rsatish maqsadida avtobuslar quyidagi yo‘nalishlarda tashkil etiladi:

• “Mashinasozlar” metrosi—Yangi O‘zbekiston bog‘i (10 ta jadval asosida Yutong elektrobuslari);
• “Do‘stlik” metrosi—Yangi O‘zbekiston bog‘i (10 ta jadval asosida MAN avtobuslari);
• 190-sonli Yangibozor qo‘rg‘oni—Yangi O‘zbekiston bog‘i (16 ta jadval asosida MAN va SAZ LE-60 avtobuslari);
• “Do‘stlik” metrosi—Yangi O‘zbekiston bog‘i (10 ta jadval asosida Yutong elektrobuslari);
• "Buyuk ipak yo‘li” metrosi—Yangi O‘zbekiston bog‘i (10 ta jadval asosida Yutong elektrobuslari).

Ushbu avtobuslar 9-may kuni soat 18:00 dan harakatlanishni boshlaydi.