Xotira va qadrlash kuni munosabati bilan Toshkentdagi “Yangi O‘zbekiston bog‘i”da mushakbozlik uyushtiriladi.
Mudofaa vazirligi matbuot xizmatining xabar qilishicha, mushakbozlik 9-may kuni soat 21:00 da tashkil etilishi ko‘zda tutilgan.
8-may kuni poytaxtdagi “G‘alaba bog‘i” yodgorlik majmuasida joylashgan “Matonat madhiyasi” monumentiga hamda 9-may kuni Xotira maydonida joylashgan “Motamsaro ona” monumentiga, shuningdek, Qoraqalpog‘iston Respublikasi va viloyatlar markazlaridagi “Motamsaro ona” monumentlari poyiga gulchambarlar qo‘yish marosimlari o‘tkaziladi.
2022-yil 9-mayda ham Xotira va qadrlash kuniga bag‘ishlangan mushakbozlik “Yangi O‘zbekiston” bog‘ida tashkil etilgandi.
Izoh (0)