Toshkent metropoliteni “Beruniy” bekatida ichki ishlar xodimi fuqarolarni jinsiga qarab ajralgan holda navbatda turishni so‘ragani aytilgan xabarlarga munosabat bildirdi.
Ijtimoiy tarmoqlarda “Beruniy” bekatida ichki ishlar xodimi tomonidan erkaklar va ayollar alohida navbatda turilishi so‘ralgan shakldagi maʼlumotlar tarqalmoqda.
Metropoliten matbuot xizmatining yozishicha, ushbu maʼlumot hech qanday haqiqatga to‘g‘ri kelmaydi va IIV xodimi lavozim yo‘riqnomasiga amal qilgan holda kassa oldida jamoat tartibini saqlash bo‘yicha o‘z faoliyatini olib borgan.
“Shuningdek, yo‘lovchilarimizdan bu kabi yolg‘on maʼlumotlarni o‘zaro tarqatmaslikni hamda yolg‘on maʼlumotlarni tarqatganlar qonunchilikda belgilangan tartibda javobgarlikka tortilishini maʼlum qilamiz”, — deyiladi munosabatda.
Aprel o‘rtalarida ijtimoiy tarmoqlarda 43-sonli yo‘nalishdagi avtobus salonida ayollar va erkaklar uchun maxsus joy ajratilganini targ‘ib qiluvchi e’lon joylashtirilgani aks etgan tanqidiy foto tarqalgandi. “Toshshahartransxizmat” holatga munosabat bildirib, holat “8-Avtobus saroyi” filiali tasarrufidagi, saroy raqami 433-bo‘lgan Isuzu’da aniqlangan hamda avtobus salonidagi mazkur e’lon tezkorlik bilan olib tashlangan.
Izoh (0)