Oliy Majlis Senati a’zosi 8-may kuni prezident ishtirokida bo‘lib o‘tgan referendum yakunlariga bag‘ishlangan uchrashuv hamda yangilangan Konstitutsiya yuzasidan fikrlarini bildirdi.
“Bundan buyon oldingiga qaraganda 10 baravar ko‘proq mehnat qilishimiz kerak. Shu paytgacha fan va ta’limga prezidentimiz tomonidan juda katta imkoniyat yaratildi.
Buning natijasida sohaga yoshlar ko‘p jalb etildi. 2040-yilga borib, O‘zbekistonda 50 million aholi bo‘ladigan bo‘lsa, shundan 60 foizi yoshlar bo‘ladi. Bu Konstitutsiya bilan yoshlar himoyasi, ta’limi, tarbiyasi va kelajakda erkin kasb tanlashi belgilangan.
O‘ylaymanki, hozirgi asosiy maqsadimiz yangi Konstitutsiyani yaxshilab o‘rganish. Ayniqsa, yoshlar uchun kerak. Chunki asosiy qomusdan to‘g‘ri foydalanish uchun har birimiz uni batafsil o‘rganib chiqishimiz kerak. Yangi olgan ma’lumotlarga asoslanib, qaytadan ish boshlaymiz”, — deydi Shavkat Ayupov.
Izoh (0)