Олий Мажлис Сенати аъзоси 8 май куни президент иштирокида бўлиб ўтган референдум якунларига бағишланган учрашув ҳамда янгиланган Конституция юзасидан фикрларини билдирди.
“Бундан буён олдингига қараганда 10 баравар кўпроқ меҳнат қилишимиз керак. Шу пайтгача фан ва таълимга президентимиз томонидан жуда катта имконият яратилди.
Бунинг натижасида соҳага ёшлар кўп жалб этилди. 2040 йилга бориб, Ўзбекистонда 50 миллион аҳоли бўладиган бўлса, шундан 60 фоизи ёшлар бўлади. Бу Конституция билан ёшлар ҳимояси, таълими, тарбияси ва келажакда эркин касб танлаши белгиланган.
Ўйлайманки, ҳозирги асосий мақсадимиз янги Конституцияни яхшилаб ўрганиш. Айниқса, ёшлар учун керак. Чунки асосий қомусдан тўғри фойдаланиш учун ҳар биримиз уни батафсил ўрганиб чиқишимиз керак. Янги олган маълумотларга асосланиб, қайтадан иш бошлаймиз”, — дейди Шавкат Аюпов.
Изоҳ (0)