Saudiya Arabistoni Isroil chegarasi yaqinidagi qurol-yarog‘ omborida yuz bergan portlash sabab halok bo‘lgan Livan askarlari vafoti munosabati bilan hamdardlik bildirdi.
Qirollik “qurbonlarning oilalariga hamdardlik va ta’ziya bildirdi hamda Livan hukumati, shuningdek xalqi bilan birdamligini izhor etadi”, deyiladi Saudiya Arabistoni Tashqi ishlar vazirligining X tarmog‘idagi bayonotida.
Ar-Riyod, bundan tashqari, “Livan armiyasining hukumat suverenitetini himoya qilish, Livan va uning xalqi farovonligiga hissa qo‘shish borasidagi sa’y-harakatlarini yuqori baholagan”.
Hodisa tafsilotlari
9-avgust kuni Livan armiyasining olti nafar askari Isroil bilan chegara yaqinidagi qurol-yarog‘ omborini tekshirish va uning tarkibiy qismlarini zararsizlantirish chog‘ida halok bo‘ldi. Hodisa Tir tumanining “Vodi Zibqin hududida sodir bo‘lgan.
AFP agentligining o‘z manbalariga tayanib yozishicha, mazkur obyekt “Hizbulloh” harakatiga tegishli bo‘lgan. Portlash “Isroil bilan so‘nggi urushdan qolgan o‘q-dorilar va snaryadlarni olib chiqish” paytida yuz bergan.
Livan prezidenti davlatdan tashqari guruhlar, ayniqsa “Hizbulloh”ni qurollarini topshirishga chaqirganidan ko‘t o‘tmay, hukumat tashkilotni qurolsizlantirish bo‘yicha rejani ma’qulladi. Bunga xalqaro donorlarning chuqur inqirozdagi mamlakatga yordam ko‘rsatishdan hokimiyatni markazlashtirishni talab qilgani sabab bo‘ldi.
Bunga javoban “Hizbulloh” qurollarini topshirmasligini aytdi. Uning tarafdorlari esa mamlakat ko‘chalari bo‘ylab ommaviy aksiya o‘tkazdi.
Izoh (0)