Lionel Messi “PSJ”ni tark etadi. Futbolchining otasi bu qarorni rahbariyatga bir oy oldin ma’lum qilgan

“PSJ” hujumchisi Lionel Messi mavsum yakunlanganidan so‘ng Parijni tark etadi.

Jurnalist Fabrisio Romaning xabariga ko‘ra, futbolchining otasi Xorxe Messi bir oy oldin rahbariyatga o‘g‘li jamoani tark etishini ma’lum qilgan.

Mundo Deportivo nashrining qo‘shimcha qilishicha, argentinalikning bunday qarorga kelishiga klubning Chempionlar Ligasidan chiqib ketishi va “PSJ”ning kelajak uchun stabil sport loyihasi yo‘qligi sabab bo‘lgan.

Avvalroq, Leo Saudiya Arabistoniga ruxsatsiz ketib qolgani rahbariyatga yoqmagani va futbolchini ikki haftaga chetlatgani xabar qilingandi. 

Messi ushbu ikki haftani Barselonada o‘tkazmoqchi. 35 yoshli futbolchi jazo muddati yakunlangan parijliklar bazasiga qaytadi.