Har kuni tozalash, dazmollash, ovqat pishirishdan ortib qo‘limiz tegmaydigan, vaqt yetmaydigan joy, albatta, har birimizning uyimizda bor. Ammo 365 kun ichida kamida bir marta tozalanishi kerak bo‘lgan narsalar haqida bilib oling.
Derazalarni tashqari tomonini yuving
.jpg)
Deraza romlarini yuvish uchun ochganda dastlab ramkalar orasidagi bo‘shliqni changyutkich bilan tozalang. So‘ng romning pastki qismini sovunli shimgich bilan artib oling. Shu tariqa chiziqlar va chirkdan xalos bo‘lasiz.
Pardalarni yuving
Yil davomida ular uy va ko‘cha changlarini yig‘adilar. Ayniqsa, qalin pardalarni ba’zan kir yuvish mashinasida yuvib bo‘lmaydi, balki quruq tozalash afzaldir. Yoki mumkin bo‘lmagan holatlarda, ularni olib tashlamasdan, joyida bo‘lsa ham tozalashda kuchli changyutgichdan foydalaning.
Quritgichni tozalang
Agar sizda kiyimni quritish uchun alohida jihoz bo‘lsa, uni yiliga bir marta havo o‘tkazgichlarini ajratib, ehtiyotkorlik bilan changyutkich bilan tozalash kerak. Aytgancha, quritgich bilan birga kir yuvish mashinasi ham yiliga kamida bir marta tozalanishi lozim.
Yumshoq mebellarni chuqur tozalash
Changyutkichdan foydalaning. Shoshilmang, bu yerda sifat tezlikdan muhimroq. Barcha chang kanalarini olib tashlash uchun mebel ustida ikki marta va asta-sekin yurgizgan ma’qul.
Garajni, yerto‘lani, shiyponni tozalang
Yiliga bir marta zaxira narsa-buyumlaringizni saralashingiz, keraksiz va muddati o‘tganlaridan hech ikkilanmay qutulishingiz kerak. Va qolgan narsalardagi changni yuvib, tozalab qo‘yish lozim.
Shamollatish panjaralarini tozalang
Uy bo‘ylab ventilyatsiya panjaralarini changyutkich bilan tozalang. Agar bajara olsangiz, ularni burab qo‘yib, changyutkich yordamida qo‘lingizdan kelganicha ichkaridagi shamollatish teshiklarini tozalang.
Bog‘ mebellarini yuving
Oqartirgich va suvning 1: 1 eritmasidan ko‘ra boshqa bir yuvish uchun yaxshiroq narsa yo‘q. Mebelni oqartirgichga botirilgan shimgich bilan artib oling, 15 daqiqaga qoldiring va bog‘ shlangi bilan yuving. Quyoshda quriting, shunda hid yo‘qoladi.
Gilamni chuqur tozalang
Agar gilamlaringizni chuqur tozalash uchun juda kuchli changyutkich bo‘lmasa, paysalga solmang. Professional tozalashga buyurtma bering.
Tarnovlar (hovli va kottejda istiqomat qiladiganlar uchun)
Yiliga bir marta ularni barglar, qoldiqlar yoki hatto, uyalardan tozalash kerak. Agar buni o‘zingiz qila olmasangiz, kimnidir yollang.
Bir so‘z bilan aytganda, bu yillik tozalashni professionallarga topshirish odatda osonroq. Shahringizdagi tozalash xizmatlari narxlarini bilib oling. Ehtimol, siz behuda umumiy tozalash bilan o‘zingizni charchatib yuborgandirsiz.
Izoh (0)