Ҳар куни тозалаш, дазмоллаш, овқат пиширишдан ортиб қўлимиз тегмайдиган, вақт етмайдиган жой, албатта, ҳар биримизнинг уйимизда бор. Аммо 365 кун ичида камида бир марта тозаланиши керак бўлган нарсалар ҳақида билиб олинг.
Деразаларни ташқари томонини ювинг
.jpg)
Дераза ромларини ювиш учун очганда дастлаб рамкалар орасидаги бўшлиқни чангюткич билан тозаланг. Сўнг ромнинг пастки қисмини совунли шимгич билан артиб олинг. Шу тариқа чизиқлар ва чиркдан халос бўласиз.
Пардаларни ювинг
Йил давомида улар уй ва кўча чангларини йиғадилар. Айниқса, қалин пардаларни баъзан кир ювиш машинасида ювиб бўлмайди, балки қуруқ тозалаш афзалдир. Ёки мумкин бўлмаган ҳолатларда, уларни олиб ташламасдан, жойида бўлса ҳам тозалашда кучли чангютгичдан фойдаланинг.
Қуритгични тозаланг
Агар сизда кийимни қуритиш учун алоҳида жиҳоз бўлса, уни йилига бир марта ҳаво ўтказгичларини ажратиб, эҳтиёткорлик билан чангюткич билан тозалаш керак. Айтганча, қуритгич билан бирга кир ювиш машинаси ҳам йилига камида бир марта тозаланиши лозим.
Юмшоқ мебелларни чуқур тозалаш
Чангюткичдан фойдаланинг. Шошилманг, бу ерда сифат тезликдан муҳимроқ. Барча чанг каналарини олиб ташлаш учун мебел устида икки марта ва аста-секин юргизган маъқул.
Гаражни, ертўлани, шийпонни тозаланг
Йилига бир марта захира нарса-буюмларингизни саралашингиз, керакциз ва муддати ўтганларидан ҳеч иккиланмай қутулишингиз керак. Ва қолган нарсалардаги чангни ювиб, тозалаб қўйиш лозим.
Шамоллатиш панжараларини тозаланг
Уй бўйлаб вентиляция панжараларини чангюткич билан тозаланг. Агар бажара олсангиз, уларни бураб қўйиб, чангюткич ёрдамида қўлингиздан келганича ичкаридаги шамоллатиш тешикларини тозаланг.
Боғ мебелларини ювинг
Оқартиргич ва сувнинг 1: 1 эритмасидан кўра бошқа бир ювиш учун яхшироқ нарса йўқ. Мебелни оқартиргичга ботирилган шимгич билан артиб олинг, 15 дақиқага қолдиринг ва боғ шланги билан ювинг. Қуёшда қуритинг, шунда ҳид йўқолади.
Гиламни чуқур тозаланг
Агар гиламларингизни чуқур тозалаш учун жуда кучли чангюткич бўлмаса, пайсалга солманг. Профессионал тозалашга буюртма беринг.
Тарновлар (ҳовли ва коттежда истиқомат қиладиганлар учун)
Йилига бир марта уларни барглар, қолдиқлар ёки ҳатто, уялардан тозалаш керак. Агар буни ўзингиз қила олмасангиз, кимнидир ёлланг.
Бир сўз билан айтганда, бу йиллик тозалашни профессионалларга топшириш одатда осонроқ. Шаҳрингиздаги тозалаш хизматлари нархларини билиб олинг. Эҳтимол, сиз беҳуда умумий тозалаш билан ўзингизни чарчатиб юборгандирсиз.
Изоҳ (0)