Italiyalik ayollar har doim o‘zlarining go‘zalligi va nafis uslublari bilan mashhur bo‘lgan. Italiyadagi millatlar va mintaqalarning xilma-xilligiga qaramay, mahalliy ayollarning jozibali ko‘rinishiga yordam beradigan bir nechta umumiy xususiyatlar va odatlar mavjud.
Italiyaliklar parhezga rioya qilmaydi
Italiyalik ayollar o‘zini haddan tashqari cheklamasdan ovqatlanishdan zavqlanishni biladi. Ular makaron, muzqaymoq va boshqa yuqori kaloriyali taomlarni bemalol iste’mol qiladi. Yagona jihati shundaki, aktrisa va italiyalik model Mitzi Peyronening so‘zlariga ko‘ra, mahalliy ayollar oddiy taomlarni afzal ko‘radi, ortiqcha miqdordagi souslar, qaylalar va nachinkalarni iste’mol qilishdan qochadi.
Biroq shu bilan birga, italiyaliklar iste’mol qiladigan taomlarning porsiyalari ancha kichikroq. Cheklangan parhezlar yo‘qligiga qaramay, italyan ayollari ortiqcha ovqatlanmaydi, bu ularning jismoniy va ruhiy salomatligiga yordam beradi.
Kuniga 2 marta tanani namlantirish
Italiyalik ayollar har kuni tanasini krem yoki zaytun yog‘i bilan namlantirishni majburiy deb biladi. Ular bu ishni kuniga 2 marta – ertalab va kechqurun qiladi. Qizig‘i shundaki, ular kuniga 10 daqiqadan ko‘proq vaqtni bo‘yanish uchun sarflashadi, lekin ular tanani boshdan oyoq namlantirish uchun ko‘proq vaqt sarflashadi.
Namlantirish uchun zaytun yog‘idan foydalanishadi
Zaytun yog‘i nafaqat ajoyib ta’mi, balki sog‘liq va teriga foydaliligi bilan ham mashhur. Bu mahsulot mahalliy ayollar tomonidan terini mukammal namlantirish uchun ishlatiladi. Bu teridagi quruqlik va xiralikni oldini oladi. Bundan tashqari, bu o‘simlik yog‘i terining qarishi bilan kurashishga yordam beradigan kuchli antioksidant hisoblanadi.
Taniqli aktrisa Sofiya Loren zaytun yog‘ini yaxshi ko‘rishini, har kuni o‘z parheziga 2 osh qoshiq qo‘shishini va terisini namlantirish uchun ham ishlatishini aytgan.
Zaytun yog‘i sochni namlantirish uchun ham ishlatiladi. U E vitaminiga boy, shuning uchun sochingizning uchlariga ozgina miqdorda yog‘ surtsangiz ham, porlashni tiklashga yordam beradi. Uni bosh terisiga emas, balki sochlar uchlariga surtish muhim. Aks holda qazg‘oq paydo bo‘lishi mumkin.
Teriga faqat ko‘rsatkich barmoq bilan teging
Italiya oilalarida o‘rnatilgan qoida avloddan avlodga o‘tadi: ko‘rsatkich barmoq qo‘ldagi eng sezgir barmoq hisoblanadi, shuning uchun kremni qo‘llash uchun shu barmoqdan foydalanish kerak.
Eski, vaqt sinovidan o‘tgan kosmetikadan foydalaning
Mashhur Human Hanger moda blogi muallifi Klaudiya Grazianoning aytishicha, italyan ayollari yangi ishlangan mahsulotlardan ko‘ra ko‘proq ishlatadigan, eskirmaydigan mahsulotlarga ko‘proq e’tibor qaratadi. Ular uzoq vaqt davomida bir xil markadagi kosmetikadan foydalanishni afzal ko‘radi.
Qoshlarga tegishmaydi
“Qoshlar tabiiy bo‘lishi kerak” bu har bir italiyalik ayolning go‘zallik sirlaridan biri. “Mening oilamdagi ayollar har doim qoshlarni termaslik kerak, degan qoidaga amal qilishgan. Yoshligimda qoshlarimni juda ko ‘p terardim yoki mum qo‘yardim. Yaxshiyamki, ular yana o‘sdi. Qoshlar uchun maxsus parvarishni talab qilmaydigan muolajalarni bajargan ma’qul”, — deydi Klaudiya Graziano.
Qahva skrablarini tayyorlash
Zaytun yog‘ini tanaga surtishdan oldin italiyalik ayollar oshxonaga kirib, dunyodagi eng yaxshi skrabni tayyorlaydi. Eksfoliator sifatida ular qahva va kokos moyi aralashmasidan foydalanadi. Ular oyoqlariga alohida e’tibor berishadi. Qahva o‘lik hujayralarni olib tashlash orqali terini qattiqlashtiradi, kokos moyi esa uni namlaydi. Ko‘pgina italiyaliklarning ta’kidlashicha, bunday skrab teri holatini yaxshilashga yordam beradi.
SPF himoyasiga ega lab bo‘yog‘idan foydalaning
Quyoshli kunda uydan chiqishdan oldin quyosh kremini surtish qanchalik muhimligini hammamiz yaxshi bilamiz. Biroq biz labning nozik terisi ham ultrabinafsha nurlarining salbiy ta’siriga duchor bo‘lishi haqida o‘ylamaymiz. Italiyalik ayollar bu haqda bilishadi va SPF himoyasiga ega lab bo‘yog‘idan foydalanishadi.
Sarimsoq yordamida husnbuzardan xalos bo‘ling
Bu ajoyib mahsulot nafaqat taomlarning ta’mini oshiradi, balki boshqa ko‘plab foydali xususiyatlarga ham ega. Antiseptik va yallig‘lanishga qarshi xususiyatlari tufayli sarimsoq husnbuzar bilan kurashishga yordam beradi. Sarimsoq tarkibidagi allitsin husnbuzar paydo bo‘lishiga olib keladigan bakteriyalarni o‘ldirishi mumkin. Ushbu oddiy va samarali usuldan foydalanish uchun sarimsoqning kesilgan donachasini olib, husbuzar chiqqan joyga surtish kifoya. Natija uzoq kutilmaydi.
Depilyatsiyadan foydalanish
Agar siz ko‘plab italyan ayollari kabi tanadagi tuklardan xalos bo‘lishni istasangiz, sifatli depilyatsiyadan foydalaning. Italiyalik ayollarda yangi tuklarni olib tashlashning afzal usuli hisoblanadi. Natija bir necha hafta davom etishini hisobga olsak, bu juda samarali va arzon.
Ko‘p muloqot qilish
Jismoniy go‘zallikda ijtimoiy hayot muhim rol o‘ynaydi. Italiyaliklar ochiqko‘ngil va oila a’zolari, do‘stlari bilan vaqt o‘tkazishni yaxshi ko‘radi. Bunday uchrashuvlar nafaqat ruhiy muvozanatni, balki jismoniy salomatlikni ham saqlashga yordam beradi, chunki yaqin insonlaringiz bilan muloqot qilish stressni kamaytiradi va kayfiyatni yaxshilaydi.
Faol turmush tarzini olib boring
Italiyalik ayollar odatda juda faol va sport bilan shug‘ullanishni yaxshi ko‘radi. Ular tez-tez yurishadi, velosiped haydashadi, yoga, raqs yoki fitnes bilan shug‘ullanishadi.
Izoh (0)