Uyni ko‘p vaqt ishlatmasdan tozalash ham mumkin. Buning uchun ishlarni rejalashtirib, vaqtni to‘g‘ri taqsimlash kerak. Lifehacker nashri 5 daqiqada uy tozalashning usullari haqida ma’lumot berdi.
.jpg)
Yoqimsiz hidlardan xalos bo‘ling
Iste’mol sodasini olib, gilamlar, yumshoq mebellar, matraslarga seping. Vaqt o‘tguncha boshqa ishlar bilan mashg‘ul bo‘ling. So‘ngra jihozlardagi changni tozalab oling. Soda yoqimsiz hidlarni ketkizadi va jihozlar yangi ko‘rinishga ega bo‘ladi.
Qo‘lingizdagi yopishqoq rolik bilan uyni tozalab oling
Ushbu vosita kiyimdagi jun va soch tolalaridan xalos bo‘lishga yodam beradi. U turli burchaklarda to‘plangan chang, mayda chiqindilarni tozalashga yordam beradi. Abajurlar, yumshoq o‘yinchoqlar, sumkalar astarlari va siz unchalik ahamiyat bermaydigan boshqa joylarni tozalash uchun rolikdan foydalaning.
Uy hayvonlarining tuklaridan xalos bo‘ling
Rezina qo‘lqop kiyib ularni namlang. Qo‘lingizni qoplamalar, yostiqlar va kiyim-kechaklar ustiga yurgizing. Jun ho‘l kauchukga osongina yopishadi va uni yuvib yana osongina ishlatishingiz mumkin.
Plitalarni changdan tozalang
Bu ishni hatto egilmasdan ham qilishingiz mumkin. Eski paypoqni kiying, uni tozalovchi vosita yoki suv bilan namlab plitalarni artib oling.
Gadjetlaringizni tozalang
Masofadan boshqarish pulti, smartfon, kompyuter klaviaturasi bakteriyalar manbalari hisoblanadi. Ularni antibakterial salfetkalar bilan tozalab oling. Tozalangan qurilmalardan foydalanish yanada yoqimli va xavfsizroq bo‘ladi.
Qandillarni tozalang
Bir mato bo‘lagini idish yuvish vositasi va suv bilan namlab oling. Uydagi barcha qandillarni va lampalarni artib oling. Agar sizda besh daqiqadan ko‘proq vaqt bo‘lsa, lampochkalarni ham artib oling (avval ularni yechib oling). Qandillar va lampalarni tozalagandan so‘ng kechqurun xonadagi yorug‘lik yanada yorqinroq bo‘lganini sezasiz.
Idish yuvish mashinasidan foydalaning
Plastmassa, shisha, metall buyumlar va hatto ba’zi garderob buyumlari — ko‘p narsalarni qo‘lda tozalash shart emas. Masalan, idishlarni yuvish mashinasida beysbol qalpoqlarini yuvish mumkin. Biroq bolalar va uy hayvonlari o‘yinchoqlari, taroqlar, silikon pishirish idishlari va oshxona shimgichlarini bu jihozda yuvib bo‘lmaydi.
Uzoq vaqt davomida (yoki hech qachon) tozalanmagan barcha narsalarni to‘plang va idishlarni yuvish mashinasiga soling. Oddiy yuvish siklini ishga tushiring.
Hujjatlarni tashlab yuboring
Pochta qutisidagi gazetalar, bukletlar va varaqalar, kommunal to‘lovlar qog‘ozlari — bularning barchasi bir necha oy davomida koridordagi javonda yoki oshxona stolida to‘planib qolishi mumkin. Shu kabi keraksiz qog‘ozlarni to‘plab, tashlab yuboring.
Oshxonadagi stollarni yuving
Oshxona stoli yuzalarida qoldiqlar va oziq-ovqat zarralari to‘planadi, dog‘lar qoladi. Mato bo‘lagini idish yuvish vositasi bilan namlab oling yoki dezinfeksiyali salfetkalardan foydalaning. Ovqatlanadigan stollarni taxtagichlarni artib oling. Oshxona toza va qulayroq bo‘ladi.
Narsalarni o‘z joylariga qo‘ying
Uy yuzidagi kiyimlarni shkaflarga taxlab qo‘ying. Ishlatilgan stakanlarni yuvib qo‘ying va o‘yinchoqlarni tortmaga soling. Bir xonani tozalab bo‘lgandan keyin ikkinchisiga o‘ting va joyida bo‘lmagan hamma narsani olib, taxlab qo‘ying. Uy tezda toza ko‘rinishga ega bo‘ladi.
Izoh (0)