28-aprelga o‘tar kechasi Rossiya qo‘shinlari Dnepropetrovsk va Cherkassy viloyatlari, shuningdek, Kiyev shahri va Kiyev viloyatlariga raketa hujumi uyushtirdi.
So‘nggi maʼlumotlarga ko‘ra, Rossiya qo‘shinlarining Cherkassy viloyatidagi Uman shahriga bergan zarbasi oqibatida 10 kishi halok bo‘lgan. Qurbonlar orasida ikki bola ham bor.
Qutqaruvchilar raketa zarbasidan zarar ko‘rgan turar joy binosi o‘rnidagi vayronalarni tekshirishda davom etmoqda. Jabrlangan aholiga barcha zarur yordam ko‘rsatilmoqda, dedi viloyat rahbari Igor Tabulets.
Ijtimoiy tarmoqlarda Umandagi uyga raketa urilgandan keyingi daqiqalar aks etgan video e’lon qilindi.
Shuningdek, Rossiya raketasi Dneprda viloyatidagi uyni vayron qilgan, ikki yoshli qizcha va 31 yoshli ayol halok bo‘lgan.
Kiyev va Kiyev viloyatiga qaratilgan barcha raketalar urib tushirilgan. Biroq ulardan birining bo‘laklari Kiyev viloyatining Ukrainka shahridagi turar joy binosiga tushib, yong‘in boshlangan. Bir nafar bola jabrlangan, dedi Kiyev viloyati rahbari Ruslan Kravchenko.
Izoh (0)