“Kiyevga qilingan eng katta hujumlardan biri”: Ukrainaga 16-dekabrda qancha raketa uchirilgani ma’lum bo‘ldi

Rossiya Ukrainaning qator hududlariga 16-dekabr kuni 76 ta raketa uchirdi, ularning 40 ga yaqini Kiyevni nishonga olgan. Bu haqda Kiyev shahar harbiy boshqarmasi xabar berdi.

Ma’lum qilinishicha, bu urushdan keyin Kiyevga qilingan eng yirik hujumlardan biri sanaladi. Rossiyaning 40 ta raketasidan 37 tasi Ukraina Havo hujumidan mudofaa kuchlari (ADD) tomonidan urib tushirilgan.

“Vayron bo‘lgan binolar va qurbonlar haqida ma’lumot aniqlanmoqda. Dnepr viloyatida bir kishi jarohat olgan va unga tibbiy yordam ko‘rsatilgan”, deyiladi xabarda.

Dnepropetrovsk viloyati osmonida Rossiyaning 10 ta snaryadi urib tushirilgan. Jitomir viloyatiga ikkita raketa uchirilgan, ulardan biri havo mudofaasi tomondan yo‘q qilingan. Vinnitsa viloyati osmonida 6 ta X-101 va X-555 raketalari yo‘q qilingan. Xerson va Nikolayev viloyatlarida esa 5 ta rus “Kalibr” raketalari urib tushirilgan.

Ukraina Qurolli kuchlari Rossiya 60 dan ortiq raketa uchirgani haqida xabar bergan. Hujumda X-555, X-101 va Kalibr qanotli raketalardan foydalanilgan.

Mavzuga doir:

• Ukrainaga yangi raketa zarbalari berildi. Ayrim hududlarda elektr ta’minoti o‘chirilgan
• Rossiya Ukrainani o‘qqa tutishda X-55 raketalarini qo‘llagan, ularni Moskva qachonlardir Kiyevning o‘zidan olgan