Toshkent shahrida kuchli taʼsir qiluvchi dori vositalarini muomalaga kiritmoqchi bo‘lgan shaxslar ushlandi, deb xabar beradi Bosh prokuratura huzuridagi departament.
Ma’lum qilinishicha, departamentning Toshkent shahar boshqarmasi tomonidan IIV xodimlari bilan hamkorlikda tezkor tadbir o‘tkazilgan. Tadbirda Yu.M. ismli shaxs Yakkasaroy tumani hududida jami 4 428 dona kuchli taʼsir qiluvchi dori vositasini fuqaro A.A.ga 1 000 dollarga sotayotgan vaqtida ushlangan. Shuningdek, uning xonadonidan yana 12 618 dona kuchli taʼsir qiluvchi dori vositalari ashyoviy dalil sifatida olingan.
Mazkur holat yuzasidan Jinoyat kodeksining 251-1-moddasi (kuchli taʼsir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Psixotrop moddalar savdosi
Aprel oyining boshlarida DXXning Farg‘ona viloyati bo‘yicha boshqarmasi xodimlari tomonidan giyohvandlik vositalarining noqonuniy aylanmasiga qarshi tezkor tadbirlar o‘tkazilgandi. Shuningdek, Andijonda Qirg‘izistondan olib kelingan gashishni 1,6 ming dollarga sotmoqchi bo‘lgan 37 yoshli ayol ushlangani to‘g‘risida xabar berilgandi.
Toshkent shahrining Sergeli va Yashnobod tumanlarida kuchli taʼsir qiluvchi dori vositalarini sotayotgan shaxslar ham ushlangan.
Izoh (0)