Россияда 2021 ва 2022 йиллар давомида жабрланувчиларнинг ночор ҳолатидан фойдаланган ҳолда шаҳвоний характердаги зўравонлик ҳаракатларини, шунингдек, вояга етмаганларга нисбатан ахлоқсиз ҳаракатлар содир этган Ўзбекистон фуқаросига ҳукм ўқилди. Бу ҳақда “Ia41.ru” хабар берди.
Суд маълумотларига кўра, Петропавловск-Камчатский шаҳри фуқароси икки йил давомида 12-13 ёшли қизлар билан жинсий алоқага киришган.
“Айбланувчи қизлардан бири 12 ёшга ҳам кирмаганини билган ҳолда, қолган қизлар 12 ёшга тўлган, бироқ 14 ёшга тўлмаган, жинсий эҳтиёжларини қондириш мақсадида уларнинг нормал жисмоний ва ақлий ривожланишига путур етказиш, уларга нисбатан қасддан, такроран, шу жумладан, боғда, турар-жой биносининг ертўласида, ташландиқ биноларда, шунингдек автомашинада жинсий ҳаракатларни содир этган”, — дейилади шаҳар суди хабарида.
Суд ҳукми билан у 19 йилга озодликдан маҳрум этилди, маҳкум қаттиқ режимдаги ахлоқ тузатиш колониясида жазо ўтайди. Бундан ташқари, суд маънавий зарарни ундириш бўйича даъвони ҳам қаноатлантирган, судланувчи жабрланган шахсларга 700 минг рубль (8,5 минг АҚШ доллари) тўлаши керак.
2019 йилнинг ноябрида Россиянинг Ленинград вилоятида ўзбекистонлик мураббий ўз шогирдини зўрлаганликда гумонланиб қўлга олинган эди. 2022 йил майда эса Россияда 41 ёшли Ўзбекистон фуқароси 14 ёшли қизга тегажоғлик қилганликда гумонланиб, ушланган.
Изоҳ (1)
Узбек узбек дейсилар шуми янгиликлар хайф сенларга