Gollivuddagi qarindosh-urug‘chilik bugungi kunda ijtimoiy tarmoqlardagi eng qizg‘in mavzulardan biri hisoblanadi. Dunyoning eng ko‘p maosh oluvchi modellaridan biri, badavlat Hadidlar oilasining merosxo‘ri Jiji Hadid ham bu muhokamalardan chetda qolmaydi. Model bu haqdagi fikrlarini muxlislariga gapirib berdi.
Model oila a’zolarining yordami bilan mashhurlikka erishdi
Mashhur model Mohamed Hadid va Yolanda van den Xerik oilasida tug‘ilgan. Jijining otasi ko‘plab hashamatli mehmonxonalar va uylarga ega bo‘lgan mashhur qurilish kompaniyasining egasi. Uning onasi Yolanda esa 2012-yilda “Beverli-Xillzning haqiqiy uy bekalari” realiti-shousida rol o‘ynagan. Aktrisa ko‘pincha qizlari Jiji, Bellani suratga olish ishlariga jalb qilgan va shu bilan ularning mashhurlikka erishishiga yo‘l ochgan.
Jiji 2013-yilda dunyoning eng yaxshi model agentliklaridan biri IMG Models bilan shartnoma imzoladi va shundan keyin Nyu-York moda haftaligi podiumida ko‘rinish berdi. Uning singlisi Bella esa bir yildan so‘ng agentlikka qo‘shildi. Bu voqeadan keyin opa-singil Hadidlar moda olamiga kirib keldi, dunyodagi eng ko‘p haq oluvchi modellarga aylandi.
Jiji Hadid hayotida boshqalarga qaraganda kam qiyinchilik ko‘rganini inkor etmaydi
Model muvaffaqiyatga erishishiga ota-onasi sababchi bo‘lganini yashirmaydi. “Men har doim imkoniyatlarga ega muhitdan ekanligimni tushunganman. Biroq ota-onam menga mashhur ota-onang borligi, ko‘p mehnat qilmasliging va yaxshi inson bo‘lmasliging kerak degani emas, deyishdi, — deydi model.
Jiji o‘zining qanchalik omadli ekanini yaxshi bilgani tufayli ota-onasi emas, balki iste’dodi sababli modellik sohasida jiddiy qabul qilinishi uchun hamma narsani qiladi. Jiji Hadid mashhurligi bilan maqtanmaydi. “Men dunyodagi eng go‘zal ayol emasman”, — deydi model. Biroq, shu bilan birga, u kosmetik muolajalarga qarshi emasligini qo‘shimcha qiladi: “Agar kerak bo‘lsa, botoks qildirishim mumkin, biroq men bunday narsalarda adashmayman”, — deb munosabat bildirgan Jiji Hadid.
U o‘z maqsadini onalikdan topdi
Jiji model sifatida faoliyat yuritishidan tashqari, hayotining boshqa jihatlari, birinchi navbatda, oilasi haqida ham unutmaslikka harakat qiladi. U 2020-yilda, 25 yoshida ona bo‘ldi. Model qizini juda yaxshi ko‘radi va erta ona bo‘lganidan xursandligini aytgan. “Men undan juda ko‘p narsa olaman. Har doim juda tartibli inson bo‘lganman va men Xay aynan kerakli vaqtda tug‘ilganiga ishonaman. Menga yosh ona bo‘lish yoqdi”, — deydi model.
Izoh (0)