Голливуддаги қариндош-уруғчилик бугунги кунда ижтимоий тармоқлардаги энг қизғин мавзулардан бири ҳисобланади. Дунёнинг энг кўп маош олувчи моделларидан бири, бадавлат Ҳадидлар оиласининг меросхўри Жижи Ҳадид ҳам бу муҳокамалардан четда қолмайди. Модель бу ҳақдаги фикрларини мухлисларига гапириб берди.
Модель оила аъзоларининг ёрдами билан машҳурликка эришди
Машҳур модел Моҳамед Ҳадид ва Ёланда ван ден Херик оиласида туғилган. Жижининг отаси кўплаб ҳашаматли меҳмонхоналар ва уйларга эга бўлган машҳур қурилиш компаниясининг эгаси. Унинг онаси Йоланда эса 2012 йилда “Беверли-Хиллзнинг ҳақиқий уй бекалари” реалити-шоусида рол ўйнаган. Актриса кўпинча қизлари Жижи, Bellaни суратга олиш ишларига жалб қилган ва шу билан уларнинг машҳурликка эришишига йўл очган.
Жижи 2013 йилда дунёнинг энг яхши модел агентликларидан бири IMG Models билан шартнома имзолади ва шундан кейин Нью-Йорк мода ҳафталиги подиумида кўриниш берди. Унинг синглиси Беллa эса бир йилдан сўнг агентликка қўшилди. Бу воқеадан кейин опа-сингил Ҳадидлар мода оламига кириб келди, дунёдаги энг кўп ҳақ олувчи моделларга айланди.
Жижи Ҳадид ҳаётида бошқаларга қараганда кам қийинчилик кўрганини инкор этмайди
Модель муваффақиятга эришишига ота-онаси сабабчи бўлганини яширмайди. “Мен ҳар доим имкониятларга эга муҳитдан эканлигимни тушунганман. Бироқ ота-онам менга машҳур ота-онанг борлиги, кўп меҳнат қилмаслигинг ва яхши инсон бўлмаслигинг керак дегани эмас, дейишди, — дейди модел.
Жижи ўзининг қанчалик омадли эканини яхши билгани туфайли ота-онаси эмас, балки истеъдоди сабабли моделлик соҳасида жиддий қабул қилиниши учун ҳамма нарсани қилади. Жижи Ҳадид машҳурлиги билан мақтанмайди. “Мен дунёдаги энг гўзал аёл эмасман”, — дейди модел. Бироқ, шу билан бирга, у косметик муолажаларга қарши эмаслигини қўшимча қилади: “Агар керак бўлса, ботокс қилдиришим мумкин, бироқ мен бундай нарсаларда адашмайман”, — деб муносабат билдирган Жижи Ҳадид.
У ўз мақсадини оналикдан топди
Жижи модел сифатида фаолият юритишидан ташқари, ҳаётининг бошқа жиҳатлари, биринчи навбатда, оиласи ҳақида ҳам унутмасликка ҳаракат қилади. У 2020 йилда, 25 ёшида она бўлди. Модель қизини жуда яхши кўради ва эрта она бўлганидан хурсандлигини айтган. “Мен ундан жуда кўп нарса оламан. Ҳар доим жуда тартибли инсон бўлганман ва мен Хай айнан керакли вақтда туғилганига ишонаман. Менга ёш она бўлиш ёқди”, — дейди модел.
Изоҳ (0)