Uzbekistan Airways Ramazon hayiti munosabati bilan ayrim yo‘nalishlarga chegirmalar eʼlon qildi.
Xabarga ko‘ra, 2023-yilning 21-aprel kuni Ramazon hayiti munosabati bilan Uzbekistan Airways quyidagi yo‘nalishlardagi tariflar uchun chegirmalar eʼlon qiladi: Toshkentga/dan Jakarta, Tokio, Seul, Boku, Ostona va Sharjaga, Toshkent/Farg‘onadan Dubayga.
Qayd etilishicha, aksiya muddati 2023-yil 21-aprel soat 00:00 dan 23:59 gacha amal qiladi.
Toshkent masjidlarida Ramazon hayiti namozi o‘qilishi munosabati bilan maxsus avtobus yo‘nalishlari ham tashkil etilmoqda. Mazkur avtobus yo‘nalishlari soat 04:00 dan 07:00 ga qadar harakatlangan holda fuqarolarning masjidlarga kelib-ketishlari uchun xizmat ko‘rsatadi.
Bayram kunlarida metro poyezdlari harakati intervali doimiy jadval asosida soat 04:00 dan yo‘lovchilarga xizmat ko‘rsatishni boshlaydi.
Bundan tashqari, bayram munosabati bilan Toshkentdan Xiva va Samarqandga qo‘shimcha poyezdlar qatnovi yo‘lga qo‘yildi.
Izoh (0)