Ramazon hayiti kunlarida Toshkent metropoliteni ish jadvali o‘zgaradi. Bu haqda “Toshkent metropoliteni” axborot xizmati xabar berdi.
Ma’lum qilinishicha, bayram kunlarida metro poyezdlari harakati intervali doimiy jadval asosida soat 04:00 dan yo‘lovchilarga xizmat ko‘rsatishni boshlaydi.
Shuningdek, bayram munosabati belgilangan boshqa dam olish kunlari metro poyezdlari yakshanba kuni uchun tasdiqlangan jadval asosida soat 05:00 dan harakatlanadi.
O‘zbekistonda Ramazon hayiti 21-aprelga to‘g‘ri kelishi mumkin
O‘zbekistonda Ramazon hayiti kuni 2023-yil 21-aprel, juma kuniga to‘g‘ri kelishi haqida dastlabki xulosalar qilinmoqda. Ulamolar va malakali mutaxassislardan iborat ishchi guruh Ramazon hayiti kuni — yangi Shavvol hilolini astronomik tahlillar hamda xorijiy davlatlardagi mutaxassislar bilan hamkorlikda kuzatib bormoqda. Hatto ishchi guruh vakillari AQSH, Turkiya, Janubiy Koreya va Rossiya mintaqalarida ham kuzatish ishlarini olib bormoqda.
Xorijdagi nufuzli astronomiya markazlari va Fanlar akademiyasi qoshidagi Astronomiya institutidan olingan ma’lumotlarga ko‘ra, 2023-yil Ramazon hayiti kuni, ya’ni Shavvolning yangi oy fazasi shu yil 20-aprel, payshanba kuni Toshkent vaqti bilan soat 09:12 da, Saudiya Arabistoni vaqti bilan esa 07:12 da sodir bo‘ladi. Astronom olimlar xulosasiga ko‘ra, shu kuni Shavvol oyi hiloli O‘zbekiston hududida ko‘rinmasa-da, lekin dunyoning ayrim mintaqalarida ko‘rish mumkin bo‘ladi.
Izoh (0)