Uzbekistan Airways Рамазон ҳайити муносабати билан айрим йўналишларга чегирмалар эълон қилди.
Хабарга кўра, 2023 йилнинг 21 апрель куни Рамазон ҳайити муносабати билан Uzbekistan Airways қуйидаги йўналишлардаги тарифлар учун чегирмалар эълон қилади: Тошкентга/дан Жакарта, Токио, Сеул, Боку, Остона ва Шаржага, Тошкент/Фарғонадан Дубайга.
Қайд этилишича, акция муддати 2023 йил 21 апрель соат 00:00 дан 23:59 гача амал қилади.
Тошкент масжидларида Рамазон ҳайити намози ўқилиши муносабати билан махсус автобус йўналишлари ҳам ташкил этилмоқда. Мазкур автобус йўналишлари соат 04:00 дан 07:00 га қадар ҳаракатланган ҳолда фуқароларнинг масжидларга келиб-кетишлари учун хизмат кўрсатади.
Байрам кунларида метро поездлари ҳаракати интервали доимий жадвал асосида соат 04:00 дан йўловчиларга хизмат кўрсатишни бошлайди.
Бундан ташқари, байрам муносабати билан Тошкентдан Хива ва Самарқандга қўшимча поездлар қатнови йўлга қўйилди.
Изоҳ (0)