Bayram kunlari Toshkentda avtobuslar qay tartibda ishlashi ma’lum qilindi

Toshkentda Ramazon hayiti bayrami va dam olish kunlari avtobuslar qay tartibda ishlashi ma’lum qilindi.

“Toshshahartransxizmat” matbuot xizmatining ma’lum qilishicha, 21—24-aprel kunlari avtobus yo‘nalishlarining faoliyati quyidagicha tashkil etiladi:

• 21-aprel, juma — ishlanmaydigan bayram kuni. Yakshanba kunlari uchun tasdiqlangan jadvallar asosida;
• 22-aprel, shanba — dam olish kuni. Shanba kunlari uchun tasdiqlangan jadvallar asosida;
• 23-aprel, yakshanba — dam olish kuni. Yakshanba kunlari uchun tasdiqlangan jadvallar asosida;
• 24-aprel, dushanba — qo‘shimcha dam olish kuni. Yakshanba kunlari uchun tasdiqlangan jadvallar asosida.

Toshkent masjidlarida Ramazon hayiti namozi o‘qilishi munosabati bilan maxsus avtobus yo‘nalishlari ham tashkil etilmoqda. Mazkur avtobus yo‘nalishlari soat 04:00 dan 07:00 ga qadar harakatlangan holda fuqarolarning masjidlarga kelib ketishlari uchun xizmat ko‘rsatadi.

Bayram kunlarida metro poyezdlari harakati intervali doimiy jadval asosida soat 04:00 dan yo‘lovchilarga xizmat ko‘rsatishni boshlaydi.

Bundan tashqari, bayram munosabati bilan Toshkentdan Xiva va Samarqandga qo‘shimcha poyezdlar qatnovi yo‘lga qo‘yildi.