Bugun, 18-aprel kuni Buxoro viloyati Romitan tumani Yuqori chandir qishlog‘ida Damas avtomobilida siqilgan gaz quyish balloni yorilib ketgan. Bu haqda voqea guvohlari “Daryo”ga xabar berdi.
Aytilishicha, hodisa oqibatida ikki nafar fuqaro boshi qismidan tan jarohati olgan va tuman kasalxonasiga yotqizilgan.
Damas avtomobili Qashqadaryo viloyati Mirishkor tumanida yashovchi fuqaroga tegishli bo‘lib, 26 yil avval ishlab chiqarilgan. Voqea joyida yong‘in sodir bo‘lmagan.
Masʼullarning “Daryo”ga maʼlum qilishicha, holat yuzasidan tegishli idoralar tomonidan surishtiruv ishlari olib borilmoqda, qo‘shimcha maʼlumot taqdim etiladi.
Mavzuga doir:
Izoh (0)