Surxondaryo viloyati Uzun tumanidagi maktabda o‘qituvchilar kaltaklangani aks etgan videolavha Bosh prokuratura tomonidan o‘rganilayotgani haqida xabar berilgan edi. Bosh prokuratura o‘rganish natijalarini eʼlon qildi.
Unga ko‘ra, 2023-yil 14-aprel kuni soat 12:00 larda Uzun tumanidagi 31-sonli o‘rta taʼlim maktabining direktor xonasida o‘tkazilayotgan yig‘ilishda 34 yoshli erkak o‘qituvchi ikki nafar ayol hamkasbi bilan janjallashib, ularga tan jarohati yetkazgan.
Mazkur holat yuzasidan 18-aprel kuni Jinoyat kodeksining 277-moddasi (bezorilik) bilan jinoyat ishi qo‘zg‘atilgan. Gumonlanuvchi shaxs protsessual tartibda ushlangan. Tergov harakatlari davom etmoqda.