Бугун, 18 апрель куни Бухоро вилояти Ромитан тумани Юқори чандир қишлоғида Damas автомобилида сиқилган газ қуйиш баллони ёрилиб кетган. Бу ҳақда воқеа гувоҳлари “Дарё”га хабар берди.
Айтилишича, ҳодиса оқибатида икки нафар фуқаро боши қисмидан тан жароҳати олган ва туман касалхонасига ётқизилган.
Damas автомобили Қашқадарё вилояти Миришкор туманида яшовчи фуқарога тегишли бўлиб, 26 йил аввал ишлаб чиқарилган. Воқеа жойида ёнғин содир бўлмаган.
Масъулларнинг “Дарё”га маълум қилишича, ҳолат юзасидан тегишли идоралар томонидан суриштирув ишлари олиб борилмоқда, қўшимча маълумот тақдим этилади.
Мавзуга доир:
Изоҳ (0)