APL. “Manchester Siti” autsayderga imkon qoldirmadi, Holanddan dubl

Futbol bo‘yicha Angliya Premyer Ligasining 31-turida “Manchester Siti” 15-aprel, shanba kuni “Lester”ni qabul qildi.

Uchrashuvning 5-daqiqasida Jon Stounz maydon egalarining dastlabki golini urdi. Oradan ko‘p o‘tmay Erling Holand penaltini aniq amalga oshirgan holda hisobni ishonchli ko‘rinishga keltirdi.

25-daqiqada Holand dublni rasmiylashtirdi va hisob yirik ko‘rinish oldi. Bunga mehmonlar 75-daqiqada Kelechi Iheanachoning kiritgan to‘pi bilan javob qaytardi.

Ushbu g‘alaba evaziga “shaharliklar” ochkolarini 70 taga yetkazib olgan holda ikkinchi o‘rinda bormoqda va peshqadam “Arsenal”dan uch ochko ortda qolyapti. “Lester” 25 ochko bilan 19-o‘rinda qolmoqda.

APL

31-tur bahsi

15-aprel, shanba

“Manchester Siti” – “Lester” 3:1

Gollar: 1:0 – 5 Stounz, 2:0 – 13, penalti Holand, 3:0 – 25 Holand, 3:1 – 75 Iheanacho.

“Manchester Siti”: Ederson, Stounz (Akanji, 46), Lyaport, Ruben Diash, Uoker, de Bryuyne (Palmer, 62), Grilish (Serxio Gomes, 74), Bernardu Silva, Rodri (Fillips, 53), Mahrez, Holand (Alvares, 46).

“Lester”: Iversen, Kastan, Fas, Seyunjyu, Suttar, Kristiansen (Tomas, 46), Ndidi (Daka, 87), Tilemans (Mendi, 62), Meddison, Dyuzberi-Holl (Prat, 62), Vardi (Iheanacho, 46).

Ogohlantirishlar: Bernardu Silva (45), Seyunjyu (89).