Futbol bo‘yicha Angliya Premyer Ligasining 31-turidan o‘rin olgan o‘yinlar 15-aprel, shanba kuni bo‘lib o‘tdi.

“Chelsi” o‘z maydonida “Brayton”ni qabul qildi. Uchrashuvning 13-daqiqasida Konor Gallaher hisobni ochdi. Birinchi bo‘lim so‘ngida Danni Uelbek muvozanatni tikladi. 

Ikkinchi bo‘limda mehmonlar faolroq harakat qildi. 69-daqiqada Xulio Ensiso “Brayton”ni hisobda oldinga olib chiqdi. O‘yin 2:1 hisobida “Brayton”ning g‘alabasi bilan yakunlandi.

Ushbu g‘alabadan so‘ng “Brayton” ochkolari sonini 49 taga yetkazib, 7-o‘rinni egalladi. “Aristokratlar” esa 39 ochko bilan 11-o‘rindan joy olgan.

“Tottenhem” esa “Bornmut”ga qarshi bahs olib bordi va 2:3 hisobida imkoniyatni boy berdi. “Bornmut” safida Matias Vina, Dominik Solanke va Dango Uottara gol urgan bo‘lsa, “shporlar” safida Son Hyon Min va Arnaut Danjuma o‘z hisobiga gol yozdirib qo‘ydi.

Londonliklar 53 ochko bilan 5-o‘rinni band etib turibdi. “Bornmut” esa 33 ochko bilan 14-pog‘onani band etgan.

APL

31-tur bahslari

15-aprel, shanba

“Chelsi” – “Brayton” 1:2

Gollar: 1:0 – 13 Gallaher, 1:1 – 42 Uelbek, 1:2 – 69 Ensiso.

“Chelsi”: Arrisabalaga, Chaloba, Badyashil, Fofana (Jeyms, 57), Chiluell, Zakariya (Maunt, 74), Pulishich (Ziyosh, 56), Gallaher, Mudrik, Fernandes (Kovachich, 57), Sterling (Joau Feliks, 57).

“Brayton”: Sanches, Veltman (Ensiso, 28), Dank, Uebster (van Xekke, 86), Estupinyan, Gross, March, Mak Allister, Kaysedo, Mitoma, Fergyuson (Uelbek, 39).

Ogohlantirishlar: Veltman (4), Gallaxer (45), Chaloba (51), Sanches (77).

“Tottenhem” – “Bornmut” 2:3

Gollar: 1:0 – 14 Son Hyon Min, 1:1 – 38 Vinya, 1:2 – 51 Solanke, 2:2 – 88 Danjuma, 2:3 — 90+5 Uottara.

“Tottenhem”: Lyoris, Porro, Dayer, Langle (Sanches, 35; Danjuma, 58), Romero, Perishich, Hyoyberg, Kulusevski, Skipp (Risharlison, 77), Son Hyon Min, Keyn.

“Bornmut”: Neto, Stivens, Kelli, Mifem, Vinya (Smit, 49), Taverne (Uattara, 79), Lerma, Kristi (Entoni, 66), Rotuell, Billing (Senesi, 79), Solanke.

Ogohlantirishlar: Kristi (45), Stivens (45), Perishich (58).