АПЛ. “Манчестер Сити” аутсайдерга имкон қолдирмади, Ҳоланддан дубль

Футбол бўйича Англия Премьер Лигасининг 31-турида “Манчестер Сити” 15 апрель, шанба куни “Лестер”ни қабул қилди.

Учрашувнинг 5-дақиқасида Жон Стоунз майдон эгаларининг дастлабки голини урди. Орадан кўп ўтмай Эрлинг Ҳоланд пенальтини аниқ амалга оширган ҳолда ҳисобни ишончли кўринишга келтирди.

25-дақиқада Ҳоланд дублни расмийлаштирди ва ҳисоб йирик кўриниш олди. Бунга меҳмонлар 75-дақиқада Келечи Иҳеаначонинг киритган тўпи билан жавоб қайтарди.

Ушбу ғалаба эвазига “шаҳарликлар” очколарини 70 тага етказиб олган ҳолда иккинчи ўринда бормоқда ва пешқадам “Арсенал”дан уч очко ортда қоляпти. “Лестер” 25 очко билан 19-ўринда қолмоқда.

АПЛ

31-тур баҳси

15 апрель, шанба

“Манчестер Сити” – “Лестер” 3:1

Голлар: 1:0 – 5 Стоунз, 2:0 – 13, пенальти Ҳоланд, 3:0 – 25 Ҳоланд, 3:1 – 75 Иҳеаначо.

“Манчестер Сити”: Эдерсон, Стоунз (Аканжи, 46), Ляпорт, Рубен Диаш, Уокер, де Брюйне (Палмер, 62), Грилиш (Серхио Гомес, 74), Бернарду Сильва, Родри (Филлипс, 53), Маҳрез, Ҳоланд (Альварес, 46).

“Лестер”: Иверсен, Кастан, Фас, Сеюнжю, Суттар, Кристиансен (Томас, 46), Ндиди (Дака, 87), Тилеманс (Менди, 62), Мэддисон, Дюзбери-Ҳолл (Прат, 62), Варди (Иҳеаначо, 46).

Огоҳлантиришлар: Бернарду Сильва (45), Сеюнжю (89).