Navoiy viloyati Xatirchi tumanida 17 yoshli o‘quvchi qiz ko‘p miqdorda dori ichib, jonlantirish bo‘limiga tushib qoldi. Viloyat prokuraturasi axborot xizmati holat yuzasidan maʼlumot berdi.
Ijtimoiy tarmoqlarda 17 yoshli qiz maktabdagi janjaldan so‘ng igna yutgani va ortidan ko‘p miqdorda dori ichib, o‘z joniga qasd qilgani aytilgan. Aniqlanishicha, Xatirchi tumanidagi umumiy o‘rta taʼlim maktablarining birida o‘qiyotgan, voyaga yetmagan S.A 7-aprel kuni soat 14:10 larda yashash hovlisida ko‘p miqdorda dori isteʼmol qilib, sog‘lig‘i yomonlashgani sababli tuman tibbiyot birlashmasi jonlantirish bo‘limiga olib kelingan.
Bemorning ahvoli og‘irlashgani uchun u Respublika shoshilinch tez tibbiy yordam ilmiy markazi Navoiy filialining jonlantirish bo‘limiga ko‘chirilgan. Bugungi kunda bemor koma holatida bo‘lib, shifokorlar tomonidan unga davo muolajalari olib borilmoqda.
Xatirchi tuman prokuraturasi tomonidan hodisa joyi ko‘zdan kechirilib, sudga oid tibbiyot ekspertizasi tayinlangan. Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)