Farg‘ona viloyati Uchko‘prik tumanida YPX xodimi Spark oynasini urib sindirdi. Viloyat Ichki ishlar boshqarmasi holat yuzasidan munosabat bildirdi.
Ma’lum qilinishicha, 14-aprel kuni Bekobod qishlog‘ida davlat raqam belgisiz, yon oynalari tusi o‘zgartirilgan Spark harakatlanib borayotgani haqida xabar kelib tushgan.
Shundan so‘ng inspektor A.A. avtomobilni to‘xtatish choralarini ko‘rgan. Lekin haydovchi J.J xodimning to‘xtash va avtomashinadan tushish haqidagi qonuniy talablariga bo‘ysunmagan.
Ushbu vaziyatda inspektor buyruq talablariga asosan kuch ishlatib, avtomobil oynasini sindirib, haydovchini to‘xtatib qolgan. Mazkur holat yuzasidan haydovchiga nisbatan Ma’muriy javobgarlik to‘g‘risidagi kodeksning tegishli moddalari bilan hujjatlar rasmiylashtirilib, avtomobil jarima maydoniga joylashtirilgan.
Izoh (0)