Toshkentda 23 yoshli haydovchi YPX xodimi talabiga bo‘ysunmay, yo‘l qoidalarini buzib harakatlandi (video)

Toshkent shahri Yakkasaroy tumanida 4-fevral kuni YPX xodimi talabiga bo‘ysunmay, yo‘l qoidalarini buzib harakatlangan haydovchi jarimaga tortildi.

Ma’lum bo‘lishicha, 23 yoshli haydovchi Abdulla Qahhor va Nukus ko‘chalari kesishgan chorrahasida, o‘zining boshqaruvidagi Malibu’da yo‘l harakati qoidalari talablariga amal qilmay harakatlangan.

JIB Yakkasaroy tuman sudining ochiq sud majlisida Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi (ichki ishlar organlari xodimining qonuniy talablarini bajarmaslik) 1-qismida nazarda tutilgan huquqbuzarliklarni sodir etgan Sh.A.ga nisbatan yuritilgan ma’muriy ish ko‘rib chiqilgan.

Sh.A.ga oid MJtKning 183-moddasida nazarda tutilgan ma’muriy huquqbuzarlik to‘g‘risidagi ish MJtKning 271-moddasi 1-bandiga asosan tugatilgan. Unga ko‘ra, Sh.A. MJtKning 194-moddasi 1-qismida nazarda tutilgan ma’muriy huquqbuzarlikni sodir qilgan deb topilib, unga nisbatan BHMning 10 baravari miqdorida ma’muriy jarima jazosi tayinlangan.