“Ishga yaroqsizman, bolam esa og‘ir kasallikka chalindi” — farg‘onalik ayol farzandini davolatish uchun xalqdan yordam so‘ramoqda (video)

“Mehridaryo” loyihasiga Bog‘dod tumanida yashovchi Mahliyo Mamadoripova murojaat qilib, yolg‘iz o‘g‘il farzandini davolatish uchun xalqdan yordam so‘radi.

— O‘g‘lim Ozodbek Erkinjonov bir yoshidan buyon qon kasalligi bo‘yicha davolanadi. Uni to‘qqiz yildan buyon davolatib kelyapman. Oilaviy sharoitim ham o‘ta darajada og‘ir. Avvallari ishlab, uch nafar bolamni boqishga harakat qilardim. O‘tgan yili qo‘limdan og‘ir tan jarohat olgandan keyin og‘ir ishlarga yaramay qoldim.

Hatto, ba’zida kunlik ichadigan dorilarini ham sotib ololmayapman. Hozirda bu dorining donasi 3 900 000 so‘mdan sotilar ekan. Undan olti dona olib ichirishim kerak. Bolamning ‘Ona men ham sog‘ayib ketamanmi?’ degan gaplarini eshitish onaga juda og‘ir ekan. Yaxshi insonlar bolamning sog‘ayib ketishi uchun qo‘lingizdan kelgancha yordam beringlar. Yolg‘iz boquvchiga aylangan onalarga juda qiyin ekan, — deydi bemorning onasi Mahliyo Mamadoripova.

Ozodbek Erkinjonovga xayriya qilishni istasangiz,

4073 4200 8198 8648

8600 0424 5869 9500

Mamadoripova Maxliyo

Murojaat uchun telefon: +998 91 694-86-91