“Mehridaryo” loyihasiga farg‘onalik Muhayyo Isomiddinova murojaat qilib, 2017-yilda tug‘ilgan o‘g‘li Elmurod Sobirovning davolanishi uchun xalqdan yordam so‘radi.
— O‘g‘lim uch yildan buyon aplastik anemiya kasalligi bilan og‘riydi. Hozirgi kunda uning ahvoli ancha yomonlashgan. Badanlari ko‘karib, jarohat olsa, qon to‘xtamaydi. Bog‘chaga bormaydi, bolalar bilan o‘ynashiga ham ruxsat bermayman. Chunki kichik jarohat ham unga katta xavf tug‘diradi. Bu kasallikka qarshi bir o‘zim kurasholmayapman.
Otasi bizni tashlab ketgan, oyiga 243 ming so‘m aliment to‘laydi, xolos. Uch yildan buyon davolanamiz, ammo biror marta o‘g‘lini ko‘rish uchun kelgani yo‘q.
Ba’zan o‘g‘lim tengdoshlariga havas qilib, u-bu narsani olib bering, deydi. Bemor bola bilan ishlolmaganim uchun qo‘lim kaltalik qiladi. Uning ustiga, bir necha oydan buyon ijara uyda yashayapmiz. Ukamni uylantirishimiz kerak, ota-onamga og‘irligim tushishini istamayman.
O‘g‘limning ichadigan dorilari juda qimmat. Ularni Hindistondan olishimiz kerak. O‘g‘lim 7 yoshga to‘ldi, ammo shu kungacha xatna qildirganimiz yo‘q. Shifokorlar kerakli dorilarni olgandan keyingina xatna qildirishimiz mumkinligini aytishdi.
Yaxshi insonlar, yolg‘iz farzandimni davolatishim uchun ko‘mak beringlar. Umrimning so‘ngiga qadar haqqingizga duoda bo‘laman, — deydi bemorning onasi.
Sobirov Elmurodjonga xayriya qilishni istasangiz,
8600 0610 0837 8670 (Isomidinova Muxayyo)
4073 4200 8515 0534 (Mukhayyo Isomidinova)
Murojaat uchun: +99890 039-53-64
Izoh (0)