“Mehridaryo” loyihasiga Jomboy tumanida yashovchi ayol murojaat qilib, nabirasi Ibragimov Humoyunni davolatish uchun xalqdan yordam so‘radi.
— Qizim uch nafar farzandi bilan turmushdan ajrashgan. Moliyaviy qiyinchiliklar sabab Rossiyaga ishlagani ketgan edi. Bir oy o‘tmay kenja o‘g‘li Humoyunning oyoqlari shishib, yurolmay qoldi. Shifokorlar oqqon tashxisini qo‘yishdi. Qizim ham ishlolmay jo‘natgan pulim bilan yana O‘zbekistonga qaytdi.
Iyun oyidan beri nabiram bilan Toshkentdagi kasalxonadamiz. Qon kerak bo‘lganida kuyovimga ham qarindosh-urug‘lariga ham vaziyatni tushuntirdim. Ammo hech biri xabar olishmadi. Kuyovim bir marta bo‘lsa ham, bolasini ko‘rgani kelmadi.
Nabiramning kasali orada yana qaytalanib qoldi. Quloqlari deyarli eshitmay qolgan. Oyoqlari kuchsiz bo‘lgani uchun bemalol harakat ham qilolmaydi.
O‘g‘lim kunlik ishga chiqadi. Mashinasini sotib jiyaniga dorilar olib berdi. Hozir ham pul jo‘natadi, ammo kunlik ishchining puli bu kasalni davolatishga yetmaydi.
Nabiram sut ichishni xohladi. Ammo cho‘ntaklarimdan 15 ming so‘m pul chiqmadi. Bir do‘kon doim qarzga narsa berardi. Qarzlarimiz ko‘payib ketgani uchunmi, o‘sha kuni u ham berishni istamadi. Boshqa do‘kondan so‘radim, u ham rad javobini berdi. Pulsizlikdan juda qiynaldim. Saxovatpesha insonlar bo‘lsa, shu qizim o‘zini o‘nglab, farzandini davolatishi uchun qo‘lingizdan kelgancha yordam beringlar, — deydi bemor bolaning buvisi.
Ibragimov Humoyunga xayriya qilushni istasangiz,
8600 0423 8940 3873
Sharofova Sarvinoz
Murojaat uchun: +99897) 614-04-71 (bemorning buvisi)
Izoh (0)