“Mehridaryo” loyihasiga Surxondaryo viloyati Qumqo‘rg‘on tumanida yashovchi Madina Farmonova murojaat qilib, uch yoshli o‘g‘lini davolatish uchun xalqdan yordam so‘radi.
— Noyabr oyida o‘g‘limga oqqon tashxisini qo‘yishdi. Undan avval uzoq vaqt isitmalab, oyoqlari butunlay yurishdan to‘xtagandi. Hozirgi kunda Toshkentdagi bolalar gemotologiya kasalxonasida davolanyapmiz.
Turmush o‘rtog‘im qishlog‘imizda o‘qituvchi bo‘lib ishlardi. Moddiy qiyinchiliklar va o‘g‘limga ko‘p qon kerak bo‘lgani uchun o‘qituvchilik ishini tashlab, Toshkentda yollanma ishchi bo‘lib ishlayapti. Ammo uning kunlik daromadi o‘g‘limni davolatishga va ijara uyga chiqishimizga yetmayapti. Kimyoterapiya uchun davlat tomonidan ham dorilar beriladi, ammo ular orasida o‘zimiz olishimiz kerak bo‘lganlari ham bor. Ular juda qimmat. Besh oydan buyon Toshkentdamiz, ijara pullari ham qimmatlik qilyapti.
O‘g‘lim besh oydan buyon yurmayapti. Kechasi bilan oyoqlari og‘rib, yig‘lab chiqadi. O‘g‘limning sog‘ayib ketishi uchun uni 18 oy davomida davolatishimiz kerak ekan. Yaxshi insonlar, sizlardan o‘tinib so‘rayman, agar imkoningiz bo‘lsa, Toshkentda vaqtincha yashashimiz uchun joy beringlar. Dori-darmonlarni olishimiz uchun qo‘llaringizdan kelgancha ko‘maklashinglar, — deydi bemor Islombek Soatmurodovning onasi.
Islombek Soatmurodovga xayriya qilishni istasangiz,
9860 0803 5187 0102 (Madina Farmonova)
Murojaat uchun: +99897 454-35-03
Izoh (0)