Toshkent—O‘sh avtomobil yo‘lida bosharuvni yo‘qotgan Lacetti transport vositasi xandaqqa tushib ketdi, deb xabar beradi FVV matbuot xizmati.
Qayd etilishicha, 10-aprel kuni ertalab Qamchiq dovonidan o‘tuvchi 216-kilometrida yengil avtomobil ishtirokida YTH sodir bo‘lgan. Toshkent tomon ketayotgan Lacetti haydovchisi boshqaruvni yo‘qotishi natijasida avtomobil xandaqqa tushib ketgan.
Zudlik bilan voqea joyiga FVV “Qamchiq” maxsus qidiruv, yong‘in-qutqaruv boshqarmasi xodimlari yetib kelgan. Qisqa vaqt mobaynida mashina yer yuzasiga ko‘tarilgan.
Hodisa vaqtida mashina ichida bo‘lgan ikki kishi jarohat olgan va ularga o‘z vaqtida tibbiy yordam ko‘rsatilgan. YTH oqibatlarini bartaraf etish jarayonida dovonda avtomobillar harakati to‘xtatilmagan.
8-aprel kuni Qamchiq dovonida Mercedes-Benz rusumli yuk mashinasi ag‘darilib ketgandi. Mazkur voqeadan ikki kun oldin esa dovonda yuk mashinasi va uchta yengil avtomobil ishtirokida YTH sodir bo‘lgan.
Izoh (0)