Qamchiq dovonida 21-mart kuni neft mahsuloti ortilgan maxsus yuk mashinasi ag‘darilib ketdi. Bu haqda FVV matbuot xizmati xabar berdi.
Ma’lum qilinishicha, holat A-373 avtomobil yo‘lining 198-kilometrida yuz bergan. “Qamchiqavtoyo‘l” xabariga ko‘ra, Toshkent—vodiy yo‘nalishida neft tashuvchi maxsus yuk mashinasi boshqaruvni yo‘qotib, yo‘l o‘rtasidagi to‘siqqa urilishi natijasida ag‘darilgan.
Oqibatda mashinadagi neft to‘kilgan. Yong‘in sodir bo‘lmagan.
Zudlik bilan voqea joyiga FVVning 3 ta maxsus texnikasi yetib borib, YPX xodimlari hamkorligida hodisa oqibatlarini bartaraf etish choralari ko‘rilgan.
Izoh (0)