Тошкент—Ўш автомобиль йўлида бошарувни йўқотган Lacetti транспорт воситаси хандаққа тушиб кетди, деб хабар беради ФВВ матбуот хизмати.
Қайд этилишича, 10 апрель куни эрталаб Қамчиқ довонидан ўтувчи 216-километрида енгил автомобиль иштирокида ЙТҲ содир бўлган. Тошкент томон кетаётган Lacetti ҳайдовчиси бошқарувни йўқотиши натижасида автомобиль хандаққа тушиб кетган.
Зудлик билан воқеа жойига ФВВ “Қамчиқ” махсус қидирув, ёнғин-қутқарув бошқармаси ходимлари етиб келган. Қисқа вақт мобайнида машина ер юзасига кўтарилган.
Ҳодиса вақтида машина ичида бўлган икки киши жароҳат олган ва уларга ўз вақтида тиббий ёрдам кўрсатилган. ЙТҲ оқибатларини бартараф этиш жараёнида довонда автомобиллар ҳаракати тўхтатилмаган.
8 апрель куни Қамчиқ довонида Mercedes-Benz русумли юк машинаси ағдарилиб кетганди. Мазкур воқеадан икки кун олдин эса довонда юк машинаси ва учта енгил автомобиль иштирокида ЙТҲ содир бўлган.
Изоҳ (0)