Kambag‘allikni qisqartirish va bandlik vazirligi boshqarmalarining ikki nafar mansabdori qo‘lga olindi, deb xabar beradi O‘zA.
Qayd etilishicha, huquqni muhofaza qiluvchi organlar tomonidan vazirlikning Jizzax hamda Sirdaryo viloyatlari bosh boshqarmalari mansabdor shaxslari o‘z vakolatlaridan foydalangan holda pora olayotgan vaqtida qo‘lga olingan.
Prezident farmoniga muvofiq, 2023-yil 1-yanvardan quyidagi respublika davlat boshqaruvi organlarining tashkiliy bo‘ysunuvi o‘zgaragandi. Xususan, Oila va xotin-qizlar qo‘mitasi hamda Mahallabay ishlash va tadbirkorlikni rivojlantirish agentligi Kambag‘allikni qisqartirish va bandlik vazirligi huzuriga o‘tkazilgandi. 2022-yil dekabr oxirida Behzod Musayev mazkur vazirlik rahbari etib tayinlangan.
Avvalroq Bosh prokuratura boshqarma boshlig‘ining yana bir o‘rinbosari pora bilan qo‘lga tushgani, O‘zbekistonda davlat xizmatchilari har qanday turdagi mukofot va sovg‘a olishi taqiqlanishi kutilayotgani, O‘zbekistonda Korrupsiyaga qarshi kurashish agentligining vakolatlari kengaytirilgani to‘g‘risida xabar berilgandi.
Izoh (0)