Камбағалликни қисқартириш ва бандлик вазирлиги бошқармаларининг икки нафар мансабдори қўлга олинди, деб хабар беради ЎзА.
Қайд этилишича, ҳуқуқни муҳофаза қилувчи органлар томонидан вазирликнинг Жиззах ҳамда Сирдарё вилоятлари бош бошқармалари мансабдор шахслари ўз ваколатларидан фойдаланган ҳолда пора олаётган вақтида қўлга олинган.
Президент фармонига мувофиқ, 2023 йил 1 январдан қуйидаги республика давлат бошқаруви органларининг ташкилий бўйсунуви ўзгараганди. Хусусан, Оила ва хотин-қизлар қўмитаси ҳамда Маҳаллабай ишлаш ва тадбиркорликни ривожлантириш агентлиги Камбағалликни қисқартириш ва бандлик вазирлиги ҳузурига ўтказилганди. 2022 йил декабрь охирида Беҳзод Мусаев мазкур вазирлик раҳбари этиб тайинланган.
Аввалроқ Бош прокуратура бошқарма бошлиғининг яна бир ўринбосари пора билан қўлга тушгани, Ўзбекистонда давлат хизматчилари ҳар қандай турдаги мукофот ва совға олиши тақиқланиши кутилаётгани, Ўзбекистонда Коррупцияга қарши курашиш агентлигининг ваколатлари кенгайтирилгани тўғрисида хабар берилганди.
Изоҳ (0)