Rossiyada amaldorlarga bosh vazir Mixail Mishustinning ruxsatisiz mamlakatni tark etish taqiqlandi. Bu haqda Rossiyaning The Bell nashri xabar bermoqda.
Xabarga ko‘ra, 7-aprel kunidan boshlab rossiyalik amaldorlar xorijga faqat rasmiy ish bilan chiqishlari mumkin. Bundan tashqari, deputatlar chet elga ketish uchun bosh vazirdan ruxsat olishi kerak bo‘ladi.
Biroq bu taqiq Kreml ma’muriyatida ishlaydiganlarga taalluqli emasligi qayd etilgan.
Nashrning eslatishicha, Rossiya Markaziy banki rahbariyati o‘tgan yozda xodimlarga maxsus ko‘rsatma bo‘lmasa, “do‘st bo‘lmagan” mamlakatlarga sayohat qilmaslikni “qat’iy tavsiya qilgan”.
Mart oyida muxolifatchi “Novoye Vremya” nashri Rossiyada davlat kompaniyalari mansabdor shaxslari va xodimlaridan “zagran” pasportlar olib qo‘yilayotgani haqida xabar bergandi.
Izoh (0)