Россияда амалдорларга бош вазир Михаил Мишустиннинг рухсатисиз мамлакатни тарк этиш тақиқланди. Бу ҳақда Россиянинг The Bell нашри хабар бермоқда.
Хабарга кўра, 7 апрель кунидан бошлаб россиялик амалдорлар хорижга фақат расмий иш билан чиқишлари мумкин. Бундан ташқари, депутатлар чет элга кетиш учун бош вазирдан рухсат олиши керак бўлади.
Бироқ бу тақиқ Кремль маъмуриятида ишлайдиганларга тааллуқли эмаслиги қайд этилган.
Нашрнинг эслатишича, Россия Марказий банки раҳбарияти ўтган ёзда ходимларга махсус кўрсатма бўлмаса, “дўст бўлмаган” мамлакатларга саёҳат қилмасликни “қатъий тавсия қилган”.
Март ойида мухолифатчи “Новое Время” нашри Россияда давлат компаниялари мансабдор шахслари ва ходимларидан “загран” паспортлар олиб қўйилаётгани ҳақида хабар берганди.
Изоҳ (0)