Toshkent shahrida “Nufuzli muhandislik taʼlimi uchun ilg‘or amaliyotga yo‘naltirilgan taʼlim texnologiyalari” xalqaro konferensiyasi bo‘lib o‘tdi.
Konferensiya doirasida “Sanoatni baholash markazlari”, FabLab, FabLearn, STEM, “Metadunyo”, “Raqamli sanʼat”, “Taʼlim xabi” kabi amaliyotga yo‘naltirilgan taʼlim texnologiyalari namoyish etildi. Taqdimotlar AQSH, Xitoy, Buyuk Britaniya, Shveysariya, Fransiya, Armaniston va O‘zbekistonning nufuzli taʼlim muassasalarining yetakchi mutaxassislari tomonidan tayyorlandi.
Bu taʼlim texnologiyalari keng imkoniyatlar yaratadi: loyiha asosida (project based learning), muammoga asoslangan (problem based learning) yondashuvlar, modulli o‘quv texnologiyalari, meta-mavzu taʼlimoti, dual taʼlim, “keys” usuli, CDIO (Conceive, Design, Implement, Operate – g‘oya, loyihalash, amalga oshirish, boshqarish) konsepsiyasi.
Konferensiya ilk bora oliy taʼlim muassasalari, o‘rta maxsus taʼlim muassasalari, kollejlar, texnikumlar, kasb-hunar maktablari hamda O‘zbekiston iqtisodiyoti va biznesining real sektori korxonalari vakillarini birlashtirdi.
Tashabbuskor yoshlar markazi (Center For Youth Initiatives) eng ilg‘or amaliyotga yo‘naltirilgan taʼlim texnologiyalarini joriy etish imkonini beruvchi texnologik uskunalar bilan jihozlangan muhandislik taʼlim xabining taqdimotini o‘tkazdi. U eng ilg‘or amaliyotga yo‘naltirilgan ta’lim texnologiyalarini joriy etish imkonini beradi, masalan:
- texnik baholash markazlarining metodologiyasi (IACs) — AQSHning 37 ta universitetida joriy etilgan va mamlakat Energetika vazirligi tomonidan moliyalashtiriladi. Markazlar talabalarning yordami bilan sanoatda qo‘llanadigan energiya tejovchi texnologiyalarni tadqiq etish bilan shug‘ullanadi. IACS dasturi yaratilganidan beri energiya 4,5 milliard dollardan ortiq energiya xarajatlari tejalgan;
- Massachusets texnologiya instituti tomonidan yaratilgan FabLab konsepsiyasi. Bu ijodkorlik, murabbiylik va ixtirolar, o‘rganish va innovatsiyalar uchun joy. Ayni vaqtda FabLab tarmog‘i dunyoning 100 dan ortiq mamlakatda 1750 ta shu kabi markazlarni birlashtiradi;
- FabLeard — XXI asr maktablari uchun mo‘ljallangan tadqiqot va ta’lim berishni birlashtiruvchi konsepsiyasi. U Kolumbiya universiteti tomonidan boshqariladi;
- CDIO — Massachusets texnologiya insituti olimlari, o‘qituvchilari va sanoat vakillari tomonidan asos solingan bazaviy muhandislik ta’limini reformatsiya qilish bo‘yicha yirik xalqaro loyiha. Ayni vaqtda CDIO konsepsiyasi dunyo bo‘ylab 120 dan ortiq ta’lim muassasalarini birlashtiradi;
- STEM-ta’lim — fan, texnologiya, muhandislik va matematikani o‘zida mujassam etgan, ta’lim va o‘quv jarayoni amaliyotiga yo‘naltirilgan yondashuv. Bugungi kunda u butun dunyoda faol rivojlanayotgan ta’limni o‘zgartirayotgan vositalaridan biri.
Taklif etilayotgan innovatsion ta’lim tuzilmasi O‘zbekistonning innovatsion iqtisodiyoti uchun raqamli texnologiyalar va innovatsiyalarni rivojlantirishda jadal ilmiy-texnikaviy taraqqiyot bilan bog‘liq bo‘lgan zamonning murakkab global muammolariga dosh bera oladigan texnologik muhandislik elitasining keyingi avlodini tayyorlashga mo‘ljallangan.
Izoh (0)