Ўзбекистонда илғор муҳандислик таълими пайдо бўлади

Тошкент шаҳрида “Нуфузли муҳандислик таълими учун илғор амалиётга йўналтирилган таълим технологиялари” халқаро конференцияси бўлиб ўтди.

Конференция доирасида “Саноатни баҳолаш марказлари”, FabLab, FabLearn, STEM, “Метадунё”, “Рақамли санъат”, “Таълим хаби” каби амалиётга йўналтирилган таълим технологиялари намойиш этилди. Тақдимотлар АҚШ, Хитой, Буюк Британия, Швейцария, Франция, Арманистон ва Ўзбекистоннинг нуфузли таълим муассасаларининг етакчи мутахассислари томонидан тайёрланди.

Бу таълим технологиялари кенг имкониятлар яратади: лойиҳа асосида (project based learning), муаммога асосланган (problem based learning) ёндашувлар, модулли ўқув технологиялари, мета-мавзу таълимоти, дуал таълим, “кейс” усули, CDIО (Conceive, Design, Implement, Operate – ғоя, лойиҳалаш, амалга ошириш, бошқариш) концепцияси.

Конференция илк бора олий таълим муассасалари, ўрта махсус таълим муассасалари, коллежлар, техникумлар, касб-ҳунар мактаблари ҳамда Ўзбекистон иқтисодиёти ва бизнесининг реал сектори корхоналари вакилларини бирлаштирди.

Ташаббускор ёшлар маркази (Center For Youth Initiatives) энг илғор амалиётга йўналтирилган таълим технологияларини жорий этиш имконини берувчи технологик ускуналар билан жиҳозланган муҳандислик таълим хабининг тақдимотини ўтказди. У энг илғор амалиётга йўналтирилган таълим технологияларини жорий этиш имконини беради, масалан:

• техник баҳолаш марказларининг методологияси (IАCs) — АҚШнинг 37 та университетида жорий этилган ва мамлакат Энергетика вазирлиги томонидан молиялаштирилади. Марказлар талабаларнинг ёрдами билан саноатда қўлланадиган энергия тежовчи технологияларни тадқиқ этиш билан шуғулланади. IАCS дастури яратилганидан бери энергия 4,5 миллиард доллардан ортиқ энергия харажатлари тежалган;
• Массачусетс технология институти томонидан яратилган FabLab концепцияси. Бу ижодкорлик, мураббийлик ва ихтиролар, ўрганиш ва инновациялар учун жой. Айни вақтда FabLab тармоғи дунёнинг 100 дан ортиқ мамлакатда 1750 та шу каби марказларни бирлаштиради;
• FabLeard — XXI аср мактаблари учун мўлжалланган тадқиқот ва таълим беришни бирлаштирувчи концепцияси. У Колумбия университети томонидан бошқарилади;
• CDIО — Массачусетс технология инситути олимлари, ўқитувчилари ва саноат вакиллари томонидан асос солинган базавий муҳандислик таълимини реформация қилиш бўйича йирик халқаро лойиҳа. Айни вақтда CDIО концепцияси дунё бўйлаб 120 дан ортиқ таълим муассасаларини бирлаштиради;
• STEM-таълим — фан, технология, муҳандислик ва математикани ўзида мужассам этган, таълим ва ўқув жараёни амалиётига йўналтирилган ёндашув. Бугунги кунда у бутун дунёда фаол ривожланаётган таълимни ўзгартираётган воситаларидан бири.

Таклиф этилаётган инновацион таълим тузилмаси Ўзбекистоннинг инновацион иқтисодиёти учун рақамли технологиялар ва инновацияларни ривожлантиришда жадал илмий-техникавий тараққиёт билан боғлиқ бўлган замоннинг мураккаб глобал муаммоларига дош бера оладиган технологик муҳандислик элитасининг кейинги авлодини тайёрлашга мўлжалланган.