Oliy Majlis Senati 6-aprel kuni xotin-qizlar hamda bolalarning huquq va erkinliklarini ishonchli himoya qilishga doir qonun loyihasi ko‘rib chiqib, ma’qulladi. Prezident administratsiyasi sho‘ba mudiri Saida Mirziyoyeva ushbu qonun haqida munosabat bildirib, kurash hamma uchun juda qiyin kechganini aytdi.
“Prezident imzolagach, Jinoyat va Maʼmuriy javobgarlik to‘g‘risidagi kodekslarga kiritilayotgan ushbu o‘zgartirishlar kuchga kirsa, biz nihoyat tajovuzkorlarni javobgarlikka tortish orqali ayollarni oiladagi zo‘ravonlikdan himoya qila olamiz”, — dedi u.
Saida Mirziyoyeva endilikda voyaga yetmagan shaxs bilan aloqa jamoat xavfi bo‘lmagan jinoyatlar toifasidan og‘ir jinoyat qatoriga o‘tganini ta’kidladi.
“Biz voyaga yetmaganlar bilan jinsiy aloqa qilgan va qamoqdan qutulib qolmoqchi bo‘lganlar uchun bo‘shliqlarni yopamiz. Endi bu qilmish uzoq muddatga ozodlikdan mahrum etish bilan jazolanadi. Bu esa davlat har qanday zo‘ravonlikka qarshi qatʼiy kurashayotgani haqida jinoyatchilarga yaqqol ishora!”, — deydi Prezident administratsiyasi sho‘ba mudiri.
Saida Mirziyoyeva bu o‘zgarishlar uchun harakatlar juda uzoq vaqtdan beri davom etayotgani, qiyin va uzoq yo‘lning hali boshlanishi ekanini qayd etib, qonun bilan bog‘liq jarayonlarga aloqador bo‘lgan va qo‘llab-quvvatlagan barchaga minnatdorchilik bildirdi.
Izoh (0)