“Vimpelkom” (Beeline brendi ostida faoliyat yurituvchi) o‘tgan yil oxirida O‘zbekistonning Buzton statsionar internet operatoridagi 55 foizdan ortiq ulushini “O‘zbektelekom” davlat operatoriga sotdi. Bu haqda Rossiya kompaniyasining 2022-yil uchun moliyaviy hisobotiga tayanib, “TASS” xabar bermoqda.
O‘zbekiston davlat operatori tomonidan Buzton aksiyadorlik jamiyati ulushini sotib olish bo‘yicha kelishuv o‘tgan yilning 30-dekabrida tuzilgan.
Unga ko‘ra, “O‘zbektelekom” Buzton’dagi 55,37 foizni “Vimpelkom”dan sotib oladi. Shartnomaning boshqa tafsilotlari keltirilmagan.
Buzton — “O‘zbektelekom” kompaniyasi va Niderlandiyaning Veon telekommunikatsiya xoldingi (Vimpelcom’ning bosh kompaniyasi) o‘rtasidagi qo‘shma korxona. 2009-yildan boshlab u “Bilayn” brendi ostida simli internet va telefon xizmatlarini taqdim eta boshladi.
2004-yilda Buzton’dagi ko‘rsatilgan ulush Golden Telecom guruhi, keyinchalik VimpelCom tomonidan sotib olingan va 2021-yilda Rossiya uyali aloqa operatori qayta tashkil etish natijasida unga to‘g‘ridan to‘g‘ri egalik qilgan.
Izoh (0)