15-apreldan boshlab Twitter’dagi “Siz uchun” tavsiya yorlig‘i faqat Twitter Blue’ga faol obuna bo‘lgan foydalanuvchilarning postlarini ko‘rsatadi. Bu haqda ijtimoiy tarmoq egasi Ilon Mask ma’lum qildi.
Tadbirkor, shuningdek, cheklovlar so‘rovnomalarda qatnashish uchun ham qo‘llanilishini aytdi — ularda faqat pulli obunasi bo‘lgan foydalanuvchilar ovoz berishi mumkin.
Bu sun’iy intellektga asoslangan botlarning to‘dasi bilan kurashishning yagona yo‘li. Aks holda bu umidsiz yutqazilgan jang, — deb yozdi Mask Twitter’da.
Twitter Blue — bu foydalanuvchilarga Twitter'ni o‘z ehtiyojlariga mos ravishda sozlash, premium funksiyalardan foydalanish imkonini beruvchi oylik pulli obuna.
Avvalroq butun dunyo bo‘ylab Twitter Blue’ga obuna bo‘lish imkoniyati paydo bo‘lgani haqida xabar berilgandi.
Yanvar oyidan beri Twitter Blue internetda oyiga 8 dollar, iOS va Android ilovalarida esa 11 dollar turadi. Bundan tashqari, agar obuna bir yil uchun sayt orqali oldindan sotib olinsa, oyiga 7 dollar turadi.
Twitter Blue 2022-yil noyabr oyida ishga tushirilgan. Mashhur shaxslar va kompaniyalar akkauntlarining haqiqiyligini tasdiqlovchi verifikatsiya belgisi uchun to‘lov joriy etilishi kompaniyani sotib olgan Ilon Maskning Twitter'dagi dastlabki qadamlaridan biri bo‘lgan.
Izoh (0)