2035-yildan boshlab Yevropa Ittifoqi karbonat angidrid chiqindilari manbai bo‘lgan ichki yonuv dvigatelli yangi avtomobillarni sotishni taqiqlaydi. Bu haqda Reuters xabar berdi.
YI mamlakatlarining energetika vazirlari 28-mart kuni tegishli qonunni ma’qulladi. Endi u kuchga kiradi. Polsha qonunga qarshi ovoz berdi, Italiya, Bolgariya va Ruminiya betaraf qoldi.
Qarorga ko‘ra, 2035-yildan boshlab barcha sotilgan yangi avtomobil CO2 chiqindilari nolga teng, 2030-yildan esa 2021-yilga nisbatan 55 foizga kamayishi kerak.
Yo‘nalish aniq: 2035-yilda yangi avtomobillar va furgonlar nol nisbatda gaz chiqarishi kerak, — dedi Yevropa Ittifoqining iqlim bo‘yicha bosh direktori Frans Timmermans.
Shu bilan birga, Germaniya talabidan so‘ng, Yevrokomissiya faqat elektr yoqilg‘isida ishlaydigan ichki yonuv dvigatelli yangi avtomobillar uchun istisnolar qo‘yadigan qo‘shimcha qoidalar joriy etishga va’da berdi.
Kelishuv iqlimga betaraf va arzon mobillik nuqtai nazaridan aholi uchun muhim imkoniyatlar ochadi, — dedi Germaniya transport vaziri Folker Vissing.
Ma’lumotlarga ko‘ra, bu Germaniya uchun juda muhim masala, chunki mamlakat avtomobil sanoati mahalliy iqtisodiyotning flagmani hisoblanadi.
Biroq elektromobillarga to‘liq o‘tish ishlab chiqarish quvvatlarining sezilarli darajada qisqarishiga olib kelishi mumkin, chunki elektromobillar ichki yonuv dvigatellari bo‘lgan avtomobillarga qaraganda ancha kam butlovchi va ehtiyot qismlarni talab qiladi.
Qayd etilishicha, Porsche va Ferrari elektr yonilg‘isini qo‘llab-quvvatlovchilar qatoriga kiradi, ular buni o‘z avtomobillariga og‘ir akkumulyatorlar yukidan qochish yo‘li sifatida ko‘radi.
Volkswagen, Mercedes-Benz va Ford kabi boshqa avtomobil ishlab chiqaruvchilari dekarbonizatsiya uchun akkumulyatorli elektr transport vositalariga pul tikmoqda.
Avvalroq Kaliforniyada 2035-yildan boshlab benzinda yuradigan yangi avtomobillarni sotish taqiqlanishi haqida xabar berilgandi.
Izoh (0)