O‘zbekiston Sanitariya-epidemiologik osoyishtalik va jamoat salomatligi qo‘mitasi rahbariyati va AQSH Kasalliklarni nazorat qilish va oldini olish markazlari (CDC) vakillari o‘rtasida hamkorlik masalalarini muhokama qilishga bag‘ishlangan uchrashuv bo‘lib o‘tdi, deb xabar bermoqda qo‘mita matbuot xizmati.
Qayd etilishicha, CDCning Sharqiy Yevropa va Markaziy Osiyo bo‘yicha direktori Charlz Vaytek Sanitariya-epidemiologik osoyishtalik va jamoat salomatligi qo‘mitasi rahbariyatiga O‘zbekistonda amaldagi dasturlar bilan hamkorlik uchun minnatdorchilik bildirdi hamda O‘zbekistonda “Yagona salomatlik” va respirator kasalliklar yo‘nalishi bo‘yicha ish olib borish uchun ikki nafar CDC mutaxassisini jalb etish rejalashtirilayotganini, ular amalga oshirilayotgan ishlarni nazorat qilishlarini hamda tajriba almashishlarini ta’kidladi.
Sanitariya-epidemiologik osoyishtalik va jamoat salomatligi qo‘mitasi raisi o‘rinbosari Botirjon Qurbonov faoliyatning barcha yo‘nalishlarida qo‘llab-quvvatlagani uchun CDC tashkilotiga minnatdorchilik bildirdi.
Uchrashuv so‘ngida ishtirokchilar bir-birlariga minnatdorchilik bildirib, hamkorlik qilishga tayyor ekanliklarini bildirdi. Xorijiy tomon vakillari loyihalarni amalga oshirishda texnik va moliyaviy yordam ko‘rsatishga, shuningdek, manfaatdor sohalar bo‘yicha mutaxassislarni jalb qilishga tayyorliklarini ma’lum qildi.
Izoh (1)
Qachongacha bizni chet el mutaxasislari nazorat qiladi qachon bizning hech bolmasa talim tizimiZ karrupsiya botqogidan Holi bolib vijdonan ishledigan bilimli iqtidorli mutaxasis yetishtirib chiqaradi agar biz bugun bilimli iqtidorli yoshlarni yetishtirib chiqarishga sharoit yaramas ekanmiz bilinki bugun biz hech narsa qilmadik baland parvoz sozlar bn ozimizni aldashdan foyda yoq